識咗5年唔行動!陳瀅落閘方力申冇希望

·2 分鐘文章
識咗5年唔行動!陳瀅落閘方力申冇希望
識咗5年唔行動!陳瀅落閘方力申冇希望

女神陳瀅(Jeannie)接受電台節目訪問,自出道至今她曾和不少男星傳緋聞,最近傳得最盛是和圈中男筍盤方力申(小方)關係曖昧,她在節目中表示兩人相識全緣自張繼聰:「我哋過時過節都會去阿聰屋企食飯,同小方第一次見面就喺阿聰屋企,之後幾年有一齊參與慈善活動,所以變咗好熟嘅朋友。」

小方曾回應緋聞時講過「never say never」,她笑言:「佢對任何一個人都好nice,好易會令人有錯覺『佢係咪追緊我呢?』但其實佢係一個好outgoing、好social嘅男仔嚟啫。」被問到與小方會否有發展的空間?她搖搖頭,是否對年紀大的男生沒有興趣,她急否認說:「唔係、唔係,同小方都識咗差唔多5年啦,已經過咗嗰個階段啦。」

陳瀅的緋聞男朋友名單中包括有羅天宇、陳家樂、張振朗等等,被指頻頻「收兵」的她與誰有過火花呢?她說:「呢樣嘢我真係覺得唔fair!以往有新劇,只要劇中有兩個單身就會傳緋聞,呢個唔係陳瀅嘅問題,所以唔係我易惹緋聞!咁又唔見我同馬德鐘、蕭正楠有傳緋聞?我同呢3位演員拍劇嗰時,咁啱係單身所以先畀人寫。」她自認男仔頭,不愛服待,亦不鍾意別人對她好,因為要還。

單身5年,可羡慕好姊妹陳嘉寶、賴慰玲、何雁詩已為人妻,她笑言:「結婚我覺得ok,但要做媽媽我就未ready啦!」指隨着年紀長大,心態都會有改變,而她目前會以工作為先,其擇偶條件是不一定要家境富裕,望對方孝順父母、勤力上進。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能