超Deep V造型現身畫廊被網民揶揄 麥明詩霸氣回覆展現高EQ

現年30歲嘅前「十優港姐」麥明詩（Louisa）喺2019年離巢TVB，淡出幕前轉戰法律界擔任商業顧問。離巢後嘅麥明詩除咗言論之外，甚至連衣著打扮亦愈見大膽，前日（23日）KOL渾水喺社交網站大晒麥明詩出席活動嘅性感照後，照片喺網絡瘋傳兼引發網民熱烈討論，有網民大讚佢靚又好身材，亦有網民認為佢衣著過於性感，當中更有網民揶揄佢「讀到10優又點？又係拋胸 洗咩讀書呀！」，結果獲麥明詩高EQ回覆。

麥明詩當晚出席非牟利藝術空間Para Site的Gala，Louisa明顯悉心打扮，妝容比平日濃，穿上黑色心口開窿服裝，露出波邊，非常性感。KOL渾水上載其靚靚側面性感照，並留言「恭喜麥明詩小姐 @louisa_mak 成功在 Para Site 競投 William Lim @williamlimcl3 的作品 她說 - 今次大會主題係 @chanl_apl_ap 的泳池，所以她的打扮是尊重大會 我冇咁大膽，我着晒成身藍色就算」。 之後，渾水為上載照片解畫：「這張噴血靚相，是出自我手。...說回麥小姐當天的打扮，其實係回應大會主題。今年大會主題係本地藝術家陳惠立負責，他的藝術創作環繞游泳池。...麥小姐當天的打扮是着咗一件泳衣喺入面，完全符合大會主題。我自己就比較怕羞，只係着咗成身藍色衫，扮泳池水，反而我係相對失禮。打扮呢啲嘢，可能都係問返佬訊會好啲。...」

雖然有唔少網民留言大讚佢靚又好身材，不過亦有網民認為佢衣著過於性感，更有網民揶揄佢「讀到10優又點？又係拋胸 洗咩讀書呀！問題係可唔可以拋得高貴d？咁樣好cheap」，結果獲麥明詩高EQ回覆：「當然要讀書啦~讀咗書，多啲選擇，賺到錢養自己同家人，到時鍾意拋又得，唔拋又得。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！