車婉婉明年開音樂會 疑被向展鵬怒轟為人扮嘢：九唔搭八所謂歌星

車婉婉日前宣布將於2024年1月假胡李名靜體育館舉辦首個個人音樂會，將演繹《不必刹掣》、《會過去的》、《彩色世界》及新歌《遲來的加冕》等等，與歌迷見證其音樂人生旅程。音樂會暫時僅此一場，門票票價為港弊680元，將於下周一（11日）公開發售。不過，TVB音樂選秀節目《中年好聲音2》68強止步嘅向展鵬（Jeffrey）就於社交平台發布一張遭模糊化嘅照片，該照片疑似係車婉婉音樂會宣傳相，並嘲諷相中主角：「她是誰？這個九唔搭八的所謂歌星，話自己要開演唱會，她講這一次只是香港站，但我覺得她應該選擇欣澳站比較好些，我連一首她的歌都未聽過！」

向展鵬表示唔值得花咁多錢，亦直言對方好串：「恆指萬五點，世界淪亡了！我真人和她溝通接觸過，相識了近30年，但不值一提，一律六百蚊？不值得！我認識了她成30年了，我什麼都知道，但她好扮嘢，仲寸我，我唯有......。」即使向展鵬未有公開點名，但仔細一睇該張被模糊化照片的話，相中人嘅髮型和服裝與車婉婉個人音樂會宣傳海報中嘅造型極相似，而門票票錢亦與佢口中所講嘅相當接近。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！