車Cam直擊:圓方外足球從天降 網民笑言去咗世界盃會場外

【on.cc東網專訊】近日在卡塔爾舉辦的國際足球總會世界盃掀起全球熱潮,而賽事的足球竟然離奇出現在本港尖沙咀圓方?事緣有車主今日(4日)在網上分享一段車Cam片,只見錄片車輛緩慢行駛至圓方停車場外的一段路時,突然有一個足球從天而降,落在車前位置後反彈,而車主在片段貼文無奈地留言「世界盃⋯」,有網民有人笑問車主「係唔係經過咗時光隧道去咗卡塔爾世界盃會場外」。

另有網友則開啟鬥慘大會,述說自己親身經歷「你(架車)都未中,我試過中網球...勁大聲,睇返Cam先知係網球」;不過大多數留言都笑指該足球如日本動漫作品「足球小將」中被角色以各式射門招式踢到事發現場,更有網民笑言「足球小將,喺山上射過嚟」,並抵死地表示「志偉(主角「大空翼」港譯名戴志偉)又飛機,仲唔去執返個波」。

不過亦有網民直言「唔出奇呀,啲人踢波不嬲搏命踢㗎喇,踢到去對面海咁鬼勁添」。而根據本港法律,如有人自建築物掉下任何東西,或容許任何東西自建築物墜下,即構成「高空擲物」。若導致公眾地方或附近的人遭受危險或損傷者,則掉下該東西或容許該東西墜下的人,即屬犯罪,可被判處1萬港元罰款及監禁6個月。

【更多即時新聞詳情請上東網新聞