遊戲環節婆婆聽錯題目狂講菜名 港台主持鄧添樂忍笑超專業

港台第5台向來都好受「老友記」歡迎，而尋日網上流傳一條片段，係第5台節目《香江暖流》入面遊戲環節《極速15秒》入面，有位聽眾林婆婆本來要數出「歌唱組合名稱」，但係佢疑似聽錯咗係「蔬菜組合名稱」，於是不停講出蔬菜名「生菜、白菜、西洋菜」！

唔少人覺得呢個「美麗的誤會」好好笑，仲讚林婆婆其實好精靈，講得出咁多菜名。而節目主持人鄧添樂嘅表現都係一大亮點，一來佢知道林婆婆聽錯題目都即時更正，又好有耐性咁重覆題目。到林婆婆仍然講緊菜名嘅時候依然忍到笑，並再次提醒「唔係菜呀」，最後仲打圓場埋尾話「志在參與」，鄧添樂嘅專業表現真係好值得一讚！而鄧添樂亦有出post分享感受，話每次老友記玩遊戲都會好緊張，好多蝦碌事件！

↓↓↓節目片段↓↓↓

鄧添樂喺港台第5台擔任主持及節目製作人多年，現時主持《香江暖流》及《樂齡是敢的》節目。

前TVB主播梁凱寧都有share呢條片，佢話「笑到標眼水，婆婆so cute」。本來《極速15秒》遊戲獎品係超市現金券，今次林婆婆拎唔到，但係帶畀大家好多歡樂，希望下次佢再次打通電話，同埋聽清楚題目啦～

而「抽水」速度相當快嘅宜家家居，亦都喺社交平台借題發揮出post︰

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！