雅虎香港新聞 
那些年的寫真女王 浸大E神去咗邊？
一年一度的書展又開鑼，除咗一眾書迷可以入場用低價購得心頭好，同時亦係寫真大戰連場之地！小編仲記得當年兩大女神Angelababy同周秀娜正面交鋒，各擁萬千粉絲，令書展生色不少。可惜如今Baby已貴為黃太，娜姐亦早已升上神枱唔再賣肉，今年寫真戰似乎不復當年！想當年除咗娜姐超激寫真夠晒噴血，另一位o靚模Carol Yeung其實亦好值得回味！唔記得邊個Carol？「浸大E神」你記得啦啩！
續下頁…
多圖！33C阿雪寫真有得睇！
Carol本名楊麗華，又名楊梓瑤，其後又改名為楊焉。Carol本來係一位少女模特兒，曾參加香港動漫節《Bandai Girl》選舉大賽並贏得冠軍，同年參加TVB節目「美女廚房」，憑性感打扮成功出位，殺入娛圈！
Carol擁有34E嬌人上圍，加上當時正就讀浸會大學副學士，所以「浸大E神」呢個稱號不脛而走。佢2010年喺書展推出其寫真《Huge》，寫真照片尺度大膽，依家睇番都睇到小編面紅耳熱呀！
E級巨乳加上各種嫵媚甫士，當年真係迷倒唔少男士！
嘩仲要嚟個超近鏡，小編真係不行了，要去洗手間冷靜一下…
Carol當年喺電影《婚前試愛》中，同大隻仔羅仲謙有一段激烈床戲，佢被謙謙壓到胸都變晒形！大家仲有冇印象？
Carol當年曾簽約成為阿叻陳百祥旗下藝人，參與無綫節目《叻哥遊世界》，佢喺節目中着住逼爆比堅尼打沙灘波，睇到觀眾目瞪口呆！
不過賣肉賣得一時，賣唔到一世，Carol現時已經退出娛樂圈，近年考獲瑜珈導師資格，正式轉型為瑜珈教練！
高難度瑜伽姿勢絕對難唔到Carol！！
雖然咁耐冇見，不過E神稱號尚在，見到佢做唔同瑜珈動作時都晒出激深事業線！唔知會唔會打算同Coffee一較高下呢？
