環球趣聞｜邱吉爾經典照片 於加拿大酒店被偷龍轉鳳？

Yahoo 旅遊

二戰時期英國首相邱吉爾相信大家都知，而其「鐵血首相」形象最具代表性嘅可以話係呢張名為「憤怒的獅子」嘅照片，其真跡一直於加拿大渥太華The Fairmont Château Laurier酒店中展示，但近日竟然發現照片被賊人偷咗，換上一張副本！講起「憤怒的獅子」，背後更有一段故事，話說當年1941年邱吉爾外訪加拿大正準備入國會發表演講，遊說加拿大參戰，正等候進入議會時抽緊雪茄，而當年只係33歲嘅攝影師Yousuf Karsh就膽粗粗問邱吉爾可否於呢個重要歷史時刻前為佢影一張相，邱吉爾當時略有不滿話「點解之前無人同我講？」但Yousuf就開始準備器材，最後講咗一聲「對唔住，閣下。」就突然從邱吉爾口中拎走食緊嘅雪茄，當時佢略有不滿，而Yousuf已經快速拍下照片。邱吉爾事後無大發雷庭，反而同Yousuf握手，仲話「你制服咗一頭憤怒嘅獅子。」於是照片就被名為「憤怒的獅子」，其一手握拐杖，一手叉腰，怒目而視嘅形象被形容為其對待當時納粹德軍嘅態度，極具威嚴。酒店已經報咗警，仲暫時收起其餘幾張Yousuf經典照片真跡呢。

「憤怒的獅子」真跡被換上副本，目前酒店已報警處理。 （圖：Yousuf Karsh@Twitter）
「憤怒的獅子」真跡被換上副本，目前酒店已報警處理。 （圖：Yousuf Karsh@Twitter）
攝影師Yousuf生前曾住於The Fairmont Château Laurier酒店約20年並開設攝影工作室。 （圖：The Fairmont Château Laurier）
攝影師Yousuf生前曾住於The Fairmont Château Laurier酒店約20年並開設攝影工作室。 （圖：The Fairmont Château Laurier）
Yousuf生前拍攝過無數大人物，仲包括愛恩斯坦、瑪麗連夢露等。 （圖：canadatodayhotels@Twitter）
Yousuf生前拍攝過無數大人物，仲包括愛恩斯坦、瑪麗連夢露等。 （圖：canadatodayhotels@Twitter）

按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！

相關文章：

全球各國-日期-入境條件

中秋活動-打卡好去處-推介-合集

沙田-kiztopia-新加坡最大兒童室內遊樂場