郭富城56歲生日衣著成焦點 網民批打扮老土似大叔

前日（26日）係郭富城（Aaron）嘅56歲生日，平日忙於工作嘅佢，生日正日舉行大型私人生日派對，同家人一齊慶祝。其後城城與太太方媛分別喺社交網站上載溫馨照片，城城留言話：「謝謝大家對我的祝福。我也祝願大家身體健康、事事如意。」，而方媛則留言話「我們一家 超開心的一天」。唔少網民都留言送上祝福，不過有唔少網民就認為城城當日嘅衣著似足一個阿叔。

喺相片中所見城城紅色上衣配上西裝褸，斜住一個黑色斜孭袋，而方媛就身穿桃紅色外套，唔少網民就認為城城衣著老土、好似一個啱啱過關嘅大叔，紛紛留言話：「係咪7、80年代主題生日派對⋯？」、 「點解好似70年代哋啊叔咁」 、「國貨城果然名不虛傳 睇張相都聞到果陣中國人嘅味道」、 「嘩~個斜孭袋簡直係錦上添花，精益求精」 、「著衫真係核突到世界盡頭」 、「啱啱過關嘅阿叔同北方女士」 、「娘味濃」、 「好有衝關feel 仲好似有肚腩仔喎 幸福肥…..」、 「省港奇兵咁」 、「時裝車禍現場….」及 「點解呢張相郭富城好似個大叔」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！