鄧梓峰大女擔任活動模特兒 從事攝影師平日愛影爸爸:唔使影都似巴斯光年

·2 分鐘文章
鄧梓峰大女鄧瓊芝Natalie
鄧梓峰大女鄧瓊芝Natalie

鄧梓峰與太太相愛40年,育有兩女兩子,除咗幼女未大學畢業,其他仔女都已經讀完大學,27歲大女鄧瓊芝(Natalie)2017年大學畢業後仲做埋攝影師,身形高挑嘅佢不時喺IG大曬靚相;日前,鄧瓊芝就以一身Deep V黑色性感晚裝出席前落選港姐代蓮曦丹美(Daisy)個人珠寶品牌活動。

鄧梓峰家境不俗,父親鄧廷琮經營空運及海運業務,大哥鄧小宇、二哥鄧小宙都係作家,而佢由細到大都對家族生意無興趣,一心想入行從事演藝工作;鄧梓峰被指外貌似巴斯光年,亦因為佢以前做過皇家義勇軍人,所以近年又有「真人版巴斯光年」稱號出現,但鄧瓊芝就比較似媽咪,曾經被人話二人似足姊妹。鄧瓊芝當日除咗出席活動,仲幫手做埋模特兒,黑色晚裝裙上佈滿珠片,加上Deep V設計非常吸睛,但疑因裙身太重而頻頻露出肉色Bra邊,稍稍失手。鄧瓊芝坦言因為中意時裝,以前又成日同代蓮曦丹美結伴去時裝周,覺得做模特兒感覺幾好,所以唔介意試做一日模特兒,但就直指自己無諗過入行發展演藝事業。

鄧梓峰一向對仔女抱放任態度,支持佢哋做自己中意嘅事情,平日都成日擔任鄧瓊芝嘅模特兒畀佢影相,被問到會否將爸爸影到更似巴斯光年時,鄧瓊芝就笑言:「唔使影都似巴斯光年。」

鄧梓峰
鄧梓峰
鄧梓峰
鄧梓峰
Natalie
Natalie
蔡頌思、Natalie & 白雲
蔡頌思、Natalie & 白雲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能