鄭伊健巡唱 愛相隨 蒙嘉慧日文打氣 捱轟上熱搜

鄭伊健向觀眾派心心,蒙嘉慧當然最開心啦!
鄭伊健向觀眾派心心,蒙嘉慧當然最開心啦!

鄭伊健展開世界巡迴個唱,重唱經典歌兼有兩位師妹黃淑蔓及雲浩影助陣,不過風頭卻被太太蒙嘉慧搶盡,皆因她以日文代替母語廣東話交流,遭內地網民狂轟「不認祖歸宗」而推到上熱搜,留學日本的她確係十分無辜。

鄭伊健去年完成9場紅館個唱後,上周六將個唱移師澳門開騷,太太蒙嘉慧(Yoyo)愛相隨,她現身觀眾席跟老公fans打招呼,表現低調,可是依然成網絡焦點,皆因網上流出的短片中,Yoyo以日文大叫「Aki先生(鄭伊健英文名)」,亦用日文和fans交談,此舉竟惹來內地網民不滿,洗版式留言炮轟:「為甚麼有一種不認祖歸宗的感覺」,不過亦有網民認為「兩人長留日本,說日文很正常」。

而伊健在台上連唱多首經典歌,其後音樂總監陳光榮率領樂手上台Jam歌,伊健就帶着小師妹黃淑蔓(Feanna)、雲浩影(Cloud)和Rapper朱雋言登場,伊健說:「香港開騷我哋就叫做『Cup Noodle』,嚟到呢度我哋叫『即食蝦子麵』,哈哈,我知呢度好多人鍾意食。」

祝福歌迷 泛淚光

演唱會接近尾聲,伊健送上《只會因你唱》時說:「首歌特別送畀一位歌迷,佢做咗個手術,希望佢醒番,睇到呢條片。」全場觀眾大合唱時,他一度感觸眼泛淚光,甩了兩句歌詞,深呼吸後才繼續唱。

完騷後伊健大讚Feanna和Cloud台上清唱好勇敢,不過轉頭又踢爆師妹有「陰謀」:「佢哋今次嚟嘅目的唔係唱歌,係為咗Shopping。」Feanna透露買了很多杏仁餅和豬肉乾,Cloud自爆入賭場被查身份證而開心。