鄭啟泰逝世︳曾自稱Bad Boy 因出軌與黎海珊離婚 未婚妻發文悼念寫道「知道他不想結婚」

日前宣布回巢新城兼求婚成功嘅鄭啟泰猝逝，終年56歲，唔少娛圈中人都感到婉惜。鄭啟泰喺商台開咪而為聽眾認識，當年迎娶節目拍檔黎海珊引起哄動，但婚姻維持5年告終，更被黎海珊大爆前夫「未玩夠」。

九十年代中期，鄭啟泰同邵國華及前TVB藝人黎海珊喺商台主持節目，後來鄭啟泰黎海珊由拍檔變情侶，交往未夠一年就結婚。但因為鄭啟泰有外遇，婚姻只維持5年就完結。黎海珊曾踢爆鄭啟泰婚後有外遇，甚至向佢自言「未玩夠」。多年後鄭啟泰受訪時直認以前係Bad Boy，細個追唔到女仔，到大個有本事就花心，初戀之後就遇到黎海珊，但婚後繼續去蒲搵女伴。

鄭啟泰同其中一位前女友有個女，而家已經長大成人。2010年時鄭啟泰同任職律師樓嘅Francesca拍拖，一拍就十幾年，曾經揚言Francesca收服佢，更公開表示打算疫情後結婚，但結果都係分手收場。

至於鄭啟泰未婚妻、原名王家芸嘅王雁芝係速度滾軸溜冰港隊代表，2000－2006年間獲選為該項目最佳女運動員，曾於全國賽事獲亞軍。退役後Angie主要打理家族生意及從事理財策劃。

鄭啟泰離世後，Angie喺IG發過多個限動悼念，當中一個提到鄭啟泰「佢做了最勇敢的事，因為我知道他不想結婚」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！