鄭欣宜「寂寞」到喊

歌手鄭欣宜新歌《仍會等》MV由三個有關「寂寞」的故事組成，拍攝時她應要求兩度流淚，又表示對新歌可謂「一見鍾情」： 「最能夠代表到我內心深處嘅狀態，當我收到呢首歌嘅曲同詞時，第一時間用手機錄片，好想分享我有幾咁喜愛呢首歌。」

她透露愛獨坐在家中的窗前，看別人生活及思考人生：「每次聽呢首歌，都會有一種感覺，完成晒整日工作之後，我一個人喺屋企卸咗妝、沖完涼換埋睡衣，返到最簡單、最原本嘅自己，我會諗啲咩、擔心啲咩？」不過天生樂觀的她，即使會感擔心及憂慮，亦會抱有希望。