鄭裕玲英語專訪《沙丘瀚戰》主角 馬蹄露姪仔馬米高拍片寸Do姐「佢學歷得中五」

Yahoo 娛樂圈

鄭裕玲去年創辦Youtube頻道The Do Show專訪星級嘉賓，頭炮搵到發哥周潤發，之後又有何超儀講老公陳子聰死過翻生嘅經歷。近期Do姐再升呢，獲電影公司邀請飛到美國洛杉磯，為《沙丘瀚戰：第二章》多位主要演員Timothee Chalamat、Austin Butler、Zendaya同Florence Pugh做專訪，全程以英語對答。Do姐煲開美劇而且經驗豐富，唔少網民睇完都覺得Do姐同幾位主角嘅英語對答好流利。

DO姐鄭裕玲開youtube channel，頭炮就搵多年拍檔周潤發做嘉賓
DO姐鄭裕玲開youtube channel，頭炮就搵多年拍檔周潤發做嘉賓

不過馬蹄露姪仔、喺YOUTUBE拍片教人英文嘅馬米高，近排出咗條片抽秤Do姐專訪入面嘅英文發音等瑕疵，仲話「Do姐學歷原來得中五架咋」。例如片中Do姐講機場貴賓室嘅英文Lounge讀成Launch，就俾「馬教練」恥笑「Business Class果然乜都有，火箭發射(Launch)都有」。之後Do姐話酒店房有個pad（平板電腦），馬米高就話Pad即係衛生巾咁解。

youtuber馬米高拍片寸Do姐英語講得老土，仲話「佢學歷得中五」
youtuber馬米高拍片寸Do姐英語講得老土，仲話「佢學歷得中五」

而訪問中Do姐嘅問題都被馬米高認為問題生硬用字騎呢，例如Do 姐問Do you have any special message to say to your fans in Hong Kong，馬米高認為呢句有啲長，而且用message呢個字有啲騎呢，同一條問題佢會講Do you have any message for your Hong Kong fans。

鄭裕玲英語專訪《沙丘瀚戰》主角 網紅馬米高拍片寸英語講得老土 「佢學歷得中五」
鄭裕玲英語專訪《沙丘瀚戰》主角 網紅馬米高拍片寸英語講得老土 「佢學歷得中五」

喺訪問入面，Timothee Chalamat就話嚟過香港轉機(connected through），但轉頭Do姐就問Timothee有冇到過香港，馬米高因此疑惑Do姐聽唔明英文定係唔記得，再暗寸「一定係Timothee唔啱」。之後馬米高再以Do姐問女角Zendaya同Florence Pugh「有冇難忘事要分享」呢題，認為2位都對問題不感興趣，甚至話佢地直情以corny(老土）一詞回敬Do姐。

批評咗咁多，馬米高最後都有為Do姐講好說話「Do姐係中五畢業，但中五呢樣嘢does not define her（不能就此下定義），大家睇到佢嘅表現佢嘅努力，出嚟嘅嘢大家見到『嘩，好好，英文好流利』，好有氣場，可以handle成個interview」。

Zendaya同Florence Pugh受訪時用過Corny（老土）呢個字，馬米高就話2位係寸緊Do姐
Zendaya同Florence Pugh受訪時用過Corny（老土）呢個字，馬米高就話2位係寸緊Do姐

呢條片引起網民討論，有人認同馬米高部份觀點，例如英語交談時嘅用字同發音，都真係香港人嘅通病。亦有人認為馬米高斷章取義，例如質疑Do姐聽唔明connected through呢段，訪問中Timothee Chalamat先話想同香港fans見面，Do姐就追問Timothee有冇到過香港，Timothee就話嚟過香港轉機，次序同馬米高描述唔同。至於Zendaya向Do姐講corny(老土）時係解釋「唔想太老土咁講『拍戲嗰陣一切都好好』，但大家開工時都表現得好出色」，而唔係話緊Do姐。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！