醉駕 包二奶 被下架《還珠格格》主角全數出事 除咗佢

·3 分鐘文章
醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

上星期內地突然傳出憑《還珠格格》走紅多年嘅趙薇,一夜之間所有作品喺串流平台上消失,事件被指同趙薇旗下藝人張哲瀚曾經喺日本靖國神社拍照有關。雖然趙薇已經喺IG出post蒲頭,但亦有唔少人擔心佢嘅下落。

當年《還珠格格》嘅主角,居然相繼喺內地出事,搞到聲名狼藉。有網民開玩笑,話劇中容嬤嬤用針拮過嘅,都會有麻煩!不過其中一位男星,竟然冇事!

林心如

醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

事有湊巧,同趙薇一齊拍《還珠格格》嘅林心如,上星期主動注銷內地工作室嘅登記,令外界揣測林心如係咪有意淡出內地市場。喺2018年,林心如擔任製作人嘅作品《我的男孩》申請到台灣文化部2000萬台幣補助後,被指係台獨份子,要急急出聲明,自此林心如減少內地演出工作,就連佢老公霍建華都喺去年底注銷工作室。

周杰

醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

飾演深情爾康嘅周杰,照計人氣唔會差得去邊,但係點解冇咩作品?因為是非多!其中一單最爆就係林心如上節目投訴拍接吻戲時被對手「伸脷」,矛頭直指周杰!呢單以外,周杰又試過同保安打交、酒後駕駛出事不顧而去,仲有傳佢扮大牌、恰新人等等負面消息,印象大打折扣。今年5月有綜藝節目請到周杰參加,同場嘅舒淇都問佢唔拍戲係咪因為冇人搵!

范冰冰

醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

曾經入選《時代雜誌》最有影響力人士、獲邀成為康城影展評審,由妹仔「金鎖」做起嘅「范爺」本來真係內地影壇第一人,準備走向國際,點知2018年嘅內地娛樂圈陰陽合約風波,燒埋范冰冰嗰疊,最後「范爺」要潛水一排,再被罰接近9億人仔,連男友李晨都分埋手!直到今年范冰冰先再有劇集出街,但係聲勢大不如前,唯有轉戰建立個人美容品牌。

張鐵林

醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

咪以為「皇阿瑪」好正氣,張鐵林感情生活同皇帝有得揮!多年來張被傳感情生活混亂,甚至有多名私生子女。2016年就有其中一名私生女告上法庭,要求張鐵林俾撫養費,但係張就多番否認,結果法庭判張鐵林敗訴要一次過俾18年生活費用。更誇張嘅係有傳聞話張鐵林搵人綁架搶走私生子!

蘇有朋

醉駕 包二奶 被下架《還珠格格》主角全數出事 除咗佢
醉駕 包二奶 被下架《還珠格格》主角全數出事 除咗佢

唯一冇出事嘅就係五阿哥!蘇有朋憑《還珠格格》紅遍兩岸,打後幾年都有唔少劇擔正,近年多數參與內地綜藝節目。2015年及17年蘇有朋做埋導演執導長片《左耳》及《嫌疑人X的獻身》。聽落平淡,但對比起其他幾位,執身彩啦!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能