雅虎香港新聞 重溫無綫經典法律劇集 邊一套你最鍾意？
噚日講完無綫經典律師角色，今日輪到重溫無綫經典法律劇集！
《壹號皇庭》系列（1992、1993、1994、1995和1997）
由歐陽震華、林保怡、陳秀文、蘇永康及陶大宇等人主演，劇集講述香港一班正義律師法庭內唇槍舌戰，而法庭外發生更係每人種種感情考驗的經歷。《壹號皇庭》更開創專業劇嘅先河，獲得不少好評，促使拍下其餘四部續集。 劇集更令當時嘅主角變得受歡迎，令佢哋至今成為一線歌手及一線小生。
《怒火街頭》（2011年）
鄭嘉穎一洗以往斯文型男形象，以不修邊幅、外表放蕩不羈、不時做出挖鼻屎、當街小便造型成為一位大律師，奔走於草根及夾心階層，為民請命、抱打不平，呢種獨特性格成為成了深水埗的人民英雄。另外，佢喺劇中嘅「極盡誘惑」露股裝深入民心。劇集更憑35點收視成為11年收視冠軍，男主角鄭嘉穎仲憑Law霸第二次成為視帝。
《踩過界》（2017年）
由「盲俠」(王浩信飾) 演盲人律師成為劇中焦點，更有游離黑白兩道醜女癲姐（蔡思貝飾）、痞子偵探Gogo（張振朗飾）及索爆雙面女法官Never（李佳芯飾）用唔同專業角色及處事手法，維護無辜者嘅法律權利。今次各人大膽演出，可以話係令人刮目相看，留下深刻印象，王浩信憑角色首次勇奪視帝，而蔡思貝亦憑角色奪得最受歡迎电視女角色獎項。
《律政強人》（2016年）
劇集講述律師行老闆卓繼堯（劉丹飾）因擔心被下屬劉謹昌（廖啟智飾）謀朝篡位，遂招攬張強（方中信飾）加入以牽制對方，展開一場律師樓權力故事。
《四個女仔三個BAR》（2015年）
劇集以大律師及事務律師追尋公義故事為題，劇名中之所以叫「BAR」係因為代表大律師 （Barrister），而4個女仔有3個飾演大律師，另一名是事務律師。由黃智賢帶領陳凱琳、陳瀅、何雁詩、劉佩玥四名新晉女藝人主演。
《法外風雲》（2013年）
爭產及法庭戲，對多宗轟動一時、涉及家產達到上百億嘅「香港豪門世紀爭產案」，陳豪、黎耀祥、陳法拉、伍詠薇、陳智燊演得淋漓盡致，夠寫實。不過其實全劇最令觀眾留下印象嘅應該係王浩信被謝雪心怒摑23巴，，被網民戲稱「兜巴信」。
《法網狙擊》（2012年）
《法網狙擊》講述一對鬥氣冤家律師。香港法律界享有名氣嘅甘祖贊（謝天華飾）同一樣係優秀律師嘅況天藍（楊怡飾）兩人為左伸張正義，維護法律公平。因為誤會分手，最終因為經歷更多，得知天藍患癌更一往情深，可以話係深得觀眾歡心。
《律政新人王》（2003年）
四個唔同背景初出茅廬年輕人，樂斌（林峯飾）、鍾清鈴（胡杏兒飾）、卓偉名（陳鍵鋒飾）、蔣思嘉（廖碧兒飾）先後加入一間臭名遠播嘅律師行。大家因亦為年齡相近、志趣相投，四人好快成為好朋友，仲稱為「至堅四人組」，立志成為一位好律師。上演第二部時，大部份主角都冇再留低，只有陳鍵鋒，不過佢已經變成一位亦正亦邪的律師。
《法網伊人》（2002年）
以律師行為背景，寫實律師工作及生活。由李克勤、郭可盈、謝天華、吳綺莉主演。克勤更憑劇集成為唯一一位獲得「我最喜歡的電視角色」嘅男歌星。而劇集雖然由各人熟悉嘅男歌手主演，不過令觀眾更深刻印象一定係哨牙仔謝天華同吳綺莉搞笑嘅一pair！
