雅虎香港新聞 農夫心血變冰涼雪糕 大膽用港產京蒽紫蘇 當造農作物爆發口味靈感
【Yahoo 新聞報道】在香港吃意式雪糕（Gelato），除了幫襯外國品牌，也可選擇用本港當造食材製作的港產雪糕。北角一家雪糕小店堅持使用本地農作物親製新口味雪糕，包括來自坪輋的荔枝和士多啤梨、元朗的紫蘇、打鼓嶺的京蔥和紅菜頭等，把香港農夫的心血化作消暑甜點。小店指雪糕食材來自時令當造的農作物，質素不遜「飛機貨」，食客品嚐雪糕後更可即場購買本地農作物。
記者：Carmen C.
攝影記者：Billy H.C.Kwok
選購本港農作物 減碳環保
一般雪糕口味都是朱古力、呍呢拿、曲奇妙趣，北角小店「野草」的雪糕口味則是火龍果檸檬、紅菜頭、紫蘇芒果、貢布胡椒、蕃茄甘筍甚至京蔥。該店由八、九十後夫婦AK及小魚所經營，主打意式雪糕及咖啡，大部份雪糕口味採用本地農作物。身兼咖啡師的AK曾到意大利進修廚藝，接觸到不少意式雪糕，「意大利好多雪糕店，都好impress佢哋會用好多當地local嘅農作物去做雪糕，都係好直接可以showcase到農作物嘅味道」。故此他也希望選用本港農作物，「都想畀人睇到原來香港都有種呢啲（農作物），唔會畀飛機貨差」。小魚則指，不少外國運港的蔬果牽涉碳排放、過度包裝等問題，選購本地農作物可支持本地農業之餘，亦較為環保。
兩人投資約40萬元，於2020年9月開辦「野草」，落戶北角和富薈，舖位屬於商場內的美食廣場，管理及清潔均有專人負責，「見到呢度臨時搵人租出去，又要做咖啡同甜品，都幾match我哋嘅主題，亦都可以專心處理自己嘅出品」。店舖有逾30個堂食座位及「打卡位」，更可騰出空間售賣用來製作時令雪糕的本地當造農作物。
港產士多啤梨「值得畀更多人知道」
小魚續指，該店利用本地木瓜及洛神花製作開店首批口味，「想試多啲唔同、或者大家無諗過會成為雪糕嘅食材」，而洛神花「味道上都唔會咁衝擊、straight forward啲」。現時小店出售約九款雪糕，口味因應當造農產品而不時轉變。來自坪輋的士多啤梨味是小魚的私心推介，「唔少人好追捧日本、韓國品種，但其實香港都好適合種士多啤梨，我食過好多香港種嘅士多啤梨，香味都好豐富，有種天然果香，值得畀更加多人知道」。
小魚續指，意式雪糕的空氣含量低於普通雪糕，「可以食到濃啲嘅食材味道，但亦因為咁，質感上有啲難控制」，故此用粟米、芋頭、南瓜等澱粉量較重的食材製作雪糕，工序較為繁複，限制亦較多，「澱粉會令雪糕好硬」，不能單單為了濃味而盲加食材，較難拿捏，因此在坊間亦較少見。
農場因新界東北發展搬遷 「仲想種菜畀香港人食」
雪糕與本地農產品結緣，全因小魚曾在民間環保保育團體工作，因工作關係認識不少本地農民，「都有問定農夫我哋想做呢樣嘢（雪糕），有啲咩農作物適合」。野草製作雪糕所用的蔬菜包括南瓜、蕃茄及青瓜等，均來自「區家農場」。小魚續指，農場負責人區先生務農數十年，過往落戶馬寶寶農場，但因新界東北發展而遷走，「佢哋仲係好想種菜畀香港人食、同埋養家」，便轉到梧桐河附近重新開展有機種植，「我都幾敬佩佢哋，有返咁上下年紀，本身無咗塊農地都會由頭做起，亦都會學新嘢（有機耕作）……種嘢係要好長時間去養返塊地，佢哋又真係做到」。另有農夫知道該店曾製作芫荽雪糕，「會拎好多農作物嚟畀你試，摘幾個檸檬、幾個南瓜你試吓」，不少特別口味如京蔥雪糕因此誕生，「好多嘢其實唔係我哋本身想試，係因為佢哋推介所以用嚟整」，笑言農夫「逼我哋去諗啲新嘢」。
利用本港農作物製作的新口味雪糕，與朱古力等大路口味迴異。小魚說：「好多人唔食某啲嘢，但嚟到見到有雪糕就會想試，例如紅菜頭、紫蘇，唔少人都真係有種新嘅感覺」。記者一向對紫蘇反感，但試食紫蘇芒果蘋果雪葩，發覺雪糕內的紫蘇味道清香，吃下去並不覺得難受之餘，更覺與芒果味道相當配合。這些紫蘇來自元朗生活館。
至於本地紅菜頭冧酒提子雪糕，小魚及AK使用了打鼓嶺「復耕者聯盟」所種的紅菜頭，製作時特意留下部份纖維質感，吃下去像在品嚐紅菜頭凍湯，亦沒有泥味及草青味，反而散發新鮮的紅菜頭香氣，配搭自家浸製、帶濃濃酒香的冧酒提子乾。
另一款以本地農作物製作的，是荔枝雪葩，荔枝來自坪輋，更使用了不只一款，而是由較為清甜、帶花香的「桂味」及帶有微酸香的「妃子笑」，加上蜂蜜及烏龍茶，味道層次分明，荔枝、蜂蜜、烏龍茶味各有突出但卻不互搶風頭，相當消暑。
食客大讚京蒽口味「好驚艷」
孫姓夫婦是野草的熟客，疫情期間在家工作的日子，幾乎每天也會到野草喝咖啡、吃雪糕。孫先生相當欣賞小店以本地農產品製作雪糕，「早排食咗個令我哋好驚艷、又好震驚咁都得嘅京蔥雪糕」，孫太也大讚由「復耕者聯盟」種植而製的京蔥雪糕相當清香，「食得出佢哋好用心製作」，有朋友會跨區幫襯再上載至社交平台分享。孫生亦指「個雪糕唔只好食，仲有個特別嘅意義，係本地農民種出嚟嘅嘢」。
兩夫婦亦常在野草購買本地農產品，包括菜、火龍果、南瓜、青瓜、香蕉、荔枝等，「買完火龍果返屋企食完，覺得好食想買畀屋企人，落到嚟已經見到得返一個」。孫先生補充，本地農夫並無催熟農產品，「食落係清甜好多，出面無可能買到」。孫太則大讚這裏出售的豆角豆味香濃，「農民都好有心，喺香港做呢件事唔容易」。孫生續指「如果嗰樣嘢喺香港生產、百分之百係made in Hong Kong，其實都無理由唔貴，香港生活水平都貴，所以價錢其實都合理，香港人亦都應該支持返香港嘅嘢」。
小店的雪糕定價較一般雪糕稍高，每球40多至60多元不等，小魚指本地菜價格一向較高，「我哋用新鮮食材造、黃皮嗰啲要逐粒去皮去核，無可避免成本要高少少」，亦強調並無添加劑，「唔會有嗰種artificial（人工）嘅味道，都真係同工廠生產嘅有分別」。小魚續指，「大家好習慣買好平、個樣好靚嘅蔬果，但我想話畀大家聽，其實係會有多啲選擇，有人係喺香港用心咁種啲嘢食」。開店的初心是推廣本土農業，小魚笑言離目標尚遠，「可以推廣嘅空間仲係好大，而家本地農作物開始被人接受，有無機會購買可以成為習慣呢？」
野草
地址：北角和富道 21-53 號和富薈地庫 B50 號 B1 舖
營業時間：星期三至星期一上午 11 時 30 分至晚上 10 時，逢星期二休息
