金像獎2023 完整得獎名單｜鄭秀文首奪女主角 劉青雲三度稱帝 腰斬紀錄片《給十九歲的我》奪最佳電影

完整得獎名單

最佳電影 - 《給十九歲的我》

張婉婷委派郭偉倫代為發表感言 「過去一段時間，由羅啟銳死亡嘅黑洞，到《十九歲》面世，瞬間令我躲進一個可以栽種美麗植物嘅小小花園，再因為一場風波，將我一頭掉進一個漆黑嘅森林，這一切令我領悟到人生嘅無常。但坂本龍一臨終嘅一句說話俾我好大啟發，「藝術千秋，人生朝露」。多謝呢段時間給我支持同埋鼓勵嘅人，多謝業界對呢套電影嘅肯定，令我係黑暗當中漸漸見到曙光。令我知道雖然人生處於低谷，但仍然意味著前路只有向上嘅可能性。感謝石校長交俾我呢個任務，我地今生無悔。多謝所有參與拍攝嘅同學們，感謝你地面對自己，面對觀眾嘅勇氣，感謝十年來同我地同甘共苦嘅團隊，人生有幾多個十年呢，可以俾大家追逐一個夢想。一齊面對高山低谷，最寶貴嘅係呢十年嘅磨練，令我地成為莫逆之交。多謝大家。」

監製黃慧表示：「經過咗咁多個月無可理喻嘅折騰，祝願佢（張婉婷）明天就走出幽谷，再接再厲，後勁更凌厲。」

聯合導演之一郭偉倫：「香港拍紀錄片嘅導演，請你繼續努力去拍紀錄片。唔好驚，因為時代需要拍紀錄片，用鏡頭去紀錄我哋發生嘅事，記住唔好熄機，繼續拍，唔好驚，拍咗先算，剪咗先算，上咗先算。」

《給十九歲的我》奪得最佳電影。《給十九歲的我》早前因為有份參與的女生阿聆向周刊投稿，表達反對電影公映嘅萬字長文而引起爭議，上映4日後電影公司決定暫停公映。英華女學校之後拒絕向香港電影金像獎提供紀錄片《給十九歲的我》，在遴選時向評審放映。

金像獎協會董事局主席爾冬陞近日指，董事局最終一致同意無權褫奪任何提名資格，強調電影已得到提名資格，如《給十九歲的我》得獎，大會將如常頒獎。

最佳男主角 - 劉青雲《神探大戰》

如果大家有夢想，而肯努力，而且又夠長命，你嘅夢想會有一日好奇怪地，而又帶點遺憾咁實現。但唔緊要，世事豈可盡如人意。我亦都好多謝係鏡頭面前嘅你，亦都好多謝所有熱愛香港電影，熱愛香港嘅朋友，掌聲又好，噓聲又好，我都接受，因為總好過無聲，多謝。

最佳女主角 - 鄭秀文《流水落花》

其實最佳女主角呢個獎對我來講好似遙不可及，但有陣時就只係一步之遙，係咁多年裡面，其實我諗得最多，唔係幾時或者點樣先可以得到呢個獎，而係究竟點樣先可以進步，演技上可以提升，可以有一個蛻變，我想講其實由俾被人認定我係一個喜劇演員，轉去做正劇，其實所花嘅功夫，所行嘅路好長，遇到好多困難，由沿途上不被認同，來到今日大家見到我演出上嘅蛻變。

多謝天上嘅父親，我爸爸好鍾意藝術，佢曾經講講，我每一次演出，或者我投身藝術嘅工作，好似完咗佢畢生嘅夢咁。我好希望我今日拎咗獎，能夠係你藝術嘅拼圖裡面拼湊出一個更美麗嘅拼圖。

我好想同天下間有夢想嘅人講一聲，追尋夢想嘅路途係好困難，有陣時係困難重重，但係我好想你記住呢一刻，記住我拎獎呢一個畫面，夢想係留俾永遠唔放棄，同埋堅持嘅人，你要記住呢一個畫面，送俾天下間有夢想嘅人。

最佳導演 - 韋家輝《神探大戰》

最佳原創電影歌曲 - 我這樣活了一天《流水落花》作曲：永夏 填詞：林若寧 主唱：鄭秀文

最佳原創電影音樂 - 黃衍仁《窄路微塵》

終身成就獎 - 胡楓

呢啲獎聲同紅館掌聲係一樣，紅館嘅掌聲就令到我好興奮，而家呢到嘅掌聲令我好感動，請坐。因為你地呢啲掌聲，全部都係電影圈入面最精英嘅掌聲，所以我就好感動喇。２１歲開始入電影圈，到而家足足做咗７０年，哈哈哈。時間真係好長，但係回首一望，就好似係幾個月前一樣，當初睇報紙招考演員，我就去考，去面試，同老闆大家一齊傾計，傾傾下老闆就話，胡先生，乜你漏口架，我話係呀，我係漏口架。佢就話漏口唔做得主角架，漏可以做西瓜刨。我話唔係，我拍戲時候唔會漏口架喇。

最佳女配角 - 王菀之《飯戲攻心》

有時我會諗，自己究竟係一個歌手定係演員呢，定係做創作呢，原來我都有好多夢想，但係都要有大家去welcome我喺唔同平台發揮先至有機會接近夢想成真多一啲，所以好多謝大家都接受我成為一個女演員，多謝我嘅屋企人支持我無論做任何野，亦都多謝我嘅無論係小小歌迷，可能佢都會支持我做嘅電影，但係可能有啲影迷，如果有嘅話，都會聽埋我嘅音樂。多謝你地，唔會分藝術創作嘅唔同嘅媒體去支持，好多謝大家，繼續為香港電影努力。

最佳視覺效果 - 鄒志盛、梁偉傑、郭泰、羅慧媚《明日戰記》

最佳亞洲華語電影 - 《海的盡頭是草原》

姜濤演唱最佳原創電影歌曲提名： 風雨不改《阿媽有咗第二個》

最佳男配角 - 許冠文《風再起時》

我一世都未試過拎一個唔係搞笑嘅獎，今晚你可以當我完全係新人嘅感覺。特別高興《風在起時》可以拎到８項提名，我特別開心。

翁子光搵我做呢個角色嘅時候，我一啲信心都冇，喂大佬呢個唔係搞笑角色來，我返去同老婆商量，老婆就話你緊係應該試下啦，孫悟空都唔係剩係識打關斗。…

唔剩止咁簡單，佢要我做十分鐘一個Take，講十分英文，一個Take落。咁我老婆話，如果你真係孫悟空講馬騮話都得啦。我真係拍咗呢個鏡頭，拍完之後十分鐘一個笑聲都冇，我唔習慣，好大鑊喎大佬，我問副導演，導演有冇笑過呢，副導演話冇，不過恭喜你，佢喊緊。

我有個啟示，俾我同行兄弟姐妹，只要你夠膽試新野，咩奇蹟都可以發生，包括咁珍貴嘅金像獎。

最佳音響效果 - Nopawat Likitwong、游國樑、Sarunyu Nurnsai、Dhanarat Dhitirojana《明日戰記》

最佳動作設計 - 黃偉亮《明日戰記》

最佳編劇 - 韋家輝、陳偉斌、麥天樞《神探大戰》

王丹妮 劉俊謙 頒發最佳編劇

《神探大戰》由三位編劇韋家輝、陳偉斌及麥天樞上台頒獎。惟頒獎時發生一段小插曲，負責頒獎的王丹妮及劉俊謙在讀出得獎電影後，王丹妮繼續讀出三位編劇的名稱時，疑不懂麥天樞的「樞」發音，最終未有讀完整個名稱，便由劉俊謙直接稱《神探大戰》奪獎，之後三位得獎者上台逐位發言。

專業精神獎 - 石琪、羅卡

我能夠企係呢到，拎呢個獎感到非常榮幸，衷心感謝大會，一向支持愛護我嘅親朋戚友，我退咗休差唔多廿年，日常都會能力所及做一啲同電影文化有關有益嘅野，好希望俾我年輕一代，或者係更新一代，能夠繼續為增進，搞好香港電影文化，努力落去。

石琪先生抱恙來唔到，委託我 （吳思遠）將呢個獎帶俾佢，另外都想幫佢講幾句說話。首先多謝電影金像獎，今次史無前例將咁貴獎頒俾電影文字工作者，佢覺得非常欣慰，佢同我講，其實要多謝係半個多世紀以來香港電影人，係佢地拍咗無數好電影，各種類型，各式各樣電影，令到佢有機會係電影院，一步一步欣賞，然後將佢紀錄落來，成為文字，呢段美好時光我永遠記住。

另外香港電影唔單係香港成功，影響成個東南亞，甚至國際電影壇有一席之地。所以佢叫我特別要向各位電影工作者，尤其係新一代電影人，運用你地豐富想像力，天馬行空，拍出更加好香港電影，令香港電影再現光芒。

最佳攝影 - 鄭兆強《神探大戰》

最佳美術指導 - 雷楚雄、黃敏軒《風再起時》

最佳服裝造型設計 - 吳里璐《風再起時》

最佳剪接 - 李謙明、張釗、石繕滎《正義迴廊》

新晉導演 - 何爵天《正義迴廊》

多謝咁多位新導演，我覺得呢個唔係小陽春，香港電影係未死嘅，因為我地會努力！

最佳新演員 - 林諾《白日青春》

年僅10歲的巴基斯坦裔林諾，成首位獲獎南亞裔人

楊紫瓊出場頒發最佳新演員

好開心大會香港金像獎俾我呢個返來同大家見面，可以多謝大家對我嘅愛好同支持。我覺得其實係好適合頒呢個獎，因為我自己第一個提名，就係1986年《皇家師姐》最佳新演員，所以如果我地只要奮鬥，努力，堅持，永遠都never give up，belive in your dreams and dreams do come true.

楊紫瓊於1985年首次參演香港電影《皇家師姐》，並憑初登大銀幕之作獲第5屆香港電影金像獎（1986年）最佳新人提名。當年電影錄得過千萬票房，開創本港女性演唱武打動作片風潮。

19:30 現場直擊

林家謙夥拍Serrini以歌舞打頭陣暖場

————————————————————————————————————————————-

第41屆香港電影金像獎頒獎典禮星期日舉行，今屆角逐嘅電影之中，《正義迴廊》獲得16項提名成為本屆之冠，而《神探大戰》、《飯戲攻心》及《明日戰記》亦各有11項提名。年初成為熱話嘅《給十九歲的我》有份角逐最佳電影及最佳導演，但參與電影製作嘅英華女學校就宣布放棄最佳電影提名。

第41屆香港電影金像獎 提名名單：

最佳電影：

• 《正義迴廊》

• 《明日戰記》

• 《神探大戰》

• 《窄路微塵》

• 《給十九歲的我》

最佳導演：

• 何爵天《正義迴廊》

• 韋家輝《神探大戰》

• 林森《窄路微塵》

• 張婉婷、郭偉倫《給十九歲的我》

• 陳詠燊《飯戲攻心》

最佳編劇：

• 譚廣源、葉偉平、梁永豪《正義迴廊》

• 劉國瑞《白日青春》

• 韋家輝《神探大戰》

• 韋家輝、陳偉斌、麥天樞《神探大戰》

• 鍾柱鋒《窄路微塵》

• 陳詠燊《飯戲攻心》

最佳男主角：

• 麥沛東《正義迴廊》

• 楊偉倫《正義迴廊》

• 黃秋生《白日青春》

• 劉青雲《神探大戰》

• 張繼聰《窄路微塵》

最佳女主角：

• 蘇玉華《正義迴廊》

• 毛舜筠《阿媽有咗第二個》

• 鄭秀文《流水落花》

• 袁澧林《窄路微塵》

• 張艾嘉《燈火闌珊》

最佳男配角：

• 林海峰《正義迴廊》

• 羅永昌《阿媽有咗第二個》

• 許冠文《風再起時》

• 張繼聰《飯戲攻心》

• 陳湛文《飯戲攻心》

最佳女配角：

• 楊詩敏《正義迴廊》

• 區嘉雯《窄路微塵》

• 王菀之《飯戲攻心》

• 林明禎《飯戲攻心》

• 余香凝《緣路山旮旯》

最佳攝影：

• 梁祐暢《正義迴廊》

• 伍啟銘《明日戰記》

• 秦鼎昌、蒙青、徐少江《風再起時》

• 鄭兆強《神探大戰》

• 流星《窄路微塵》

最佳剪接：

• 李謙明、張釗、石繕滎《正義迴廊》

• 黃海、陸志灝《明日戰記》

• 大衛‧李察森、梁展綸《神探大戰》

• 郭偉倫、陳序慶《給十九歳的我》

• 張嘉輝、鄭偉麟《飯戲攻心》

最佳美術指導：

• 麥芷筠《正義迴廊》

• 莫少宗、林偉健《明日戰記》

• 雷楚雄、黃敏軒《風再起時》

• 蔡慧妍《神探大戰》

• 張蚊、梁子賢《飯戲攻心》

最佳服裝造型設計：

• 張兆康《明日戰記》

• 文念中、郭妍慧《流水落花》

• 吳里璐《風再起時》

• 張世傑、鄧汝好《神探大戰》

• 何沛芝《窄路微塵》

最佳動作設計：

• 洪金寶、洪天祥、袁和平《七人樂隊》

• 黃偉亮《明日戰記》

• 林峰、董瑋《長津湖之水門橋》

• 王志文《風再起時》

• 黃偉亮《神探大戰》

最佳創電影音樂：

• 馮之行《正義迴廊》

• 陳光榮《明日戰記》

• 丁可、馮之行《風再起時》

• 黃衍仁《窄路微塵》

• 黃艾倫、翁瑋盈《飯戲攻心》

最佳原創電影歌曲：

• 活誰的命《正義迴廊》

作曲：馮之行、黃力勤 填詞：冬誠𤍤 主唱：洪嘉豪

• 明日之明日《明日戰記》

作曲：陳光榮 填詞：Oscar 主唱：AnsonBean、Winka@Collar

• 風雨不改《阿媽有咗第二個》

作曲：黃艾倫、翁瑋盈 填詞：陳詠謙 主唱：姜濤

• 我這樣活了一天《流水落花》

作曲：永夏 填詞：林若寧 主唱：鄭秀文

• 狠愛狠愛你《飯戲攻心》

作曲及主唱：王菀之 填詞：陳詠燊

最佳音響效果：

• 杜篤之、江宜真《正義迴廊》

• Nopawat Likitwong、游國樑、Sarunyu Nurnsai、Dhanarat Dhitirojana《明日戰記》

• Steve Burgess、王丹戎、尹杰《長津湖之水門橋》

• 杜篤之，吳書瑤《風再起時》

• 鄭名輝、譚景華、楊智超《神探大戰》

最佳視覺效果：

• 王重治《正義迴廊》

• 鄒志盛、梁偉傑、郭泰、羅慧媚《明日戰記》

• 徐克、楊文傑、王磊《長津湖之水門橋》

• 王重治《風再起時》

• 馬永安、陳華、王耀昌、鍾偉新《神探大戰》

新晉導演：

• 何爵天《正義迴廊》

• 劉國瑞《白日青春》

• 吳炫輝《明日戰記》

• 林森《窄路微塵》

• 陳詠燊《飯戲攻心》

最佳亞洲華語電影：

• 《海的盡頭是草原》

• 《獨行月球》

• 《該死的阿修羅》

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！