金宵大廈2| 「御用有錢人」黃子雄奉行不婚主義 生活貼地鍾情搭巴士

·3 分鐘文章
《金宵大廈2》劇照
《金宵大廈2》劇照

由陳山聰與李施嬅主演嘅《金宵大廈2》正在熱播中,最新單元故事《姐姐》由樊亦敏、黃子雄及黃婉華主演,劇情講到外傭Louisa(黃婉華飾)受聘到金宵大廈內嘅吳宅,退休人士吳生(黃子雄飾)及吳太(樊亦敏飾) 對佢不俗,不過Louisa丟失吳氏夫婦嘅愛犬,為咗保住份工,佢就作咗個大話諗住蒙混過關,不過就被吳家女婿阿邦(林景程飾)揭穿。每個晚上吳家都會出現怪事,吳氏夫婦就懷疑同Louisa有關,之後佢坦白講出往事。正當Louisa打算執行李離開,吳氏夫婦反而叫佢繼續留低。

現年53歲嘅黃子雄(Geoff)擁有八分之一挪威及八分之一蘇格蘭血統,自細與家人移民加拿大,曾於英國留學,畢業於倫敦國王學院(King’s College London)。畢業後佢冇繼承家業,並於1991年返香港之後,講得一口流利英語嘅佢曾經做過模特兒、打碟DJ及市場推廣嘅工作。1995年經親戚介紹到明珠台做主持,之後佢仲得到戲劇總監曾勵珍嘅賞識,搵佢出演《真情》飾演建築師會主席徐應變一角,正式開始佢嘅演藝生涯。多年嚟Geoff大部份角色都係飾演有錢人或者係專業人士,例如《愛‧回家》查家澤(Damon)、《同事三分親》言維信(Vincent)、《再創世紀》方孝聰(Paul少)及《畢打自己人》葉斌(Ben)等等,所以被封為「御用有錢人」。另外,由於Geoff同王敏德嘅語氣聲線好相似,所以喺拍攝《竊聽風雲》期間獲監製爾冬陞及導演麥兆輝賞識,安排佢為王敏德嘅對白做後期配音,之後好多有份王敏德參演嘅電影,都搵Geoff做幕後聲演中文對白。

喺唔少劇集入面Geoff都係飾演有錢人,經常有唔少女伴喺身邊,但現實中嘅佢其實好專一,同前無綫藝員夏竹欣拍拖8年,直至2018年因了解而分手,做返鑽石王老五。而前女友夏竹欣就喺2021年與圈外男友結婚。

回復單身嘅黃子雄享受自己行超級市場同行街買衫,雖然佢有車有樓,不過平時好鍾意搭公共交通工具。另外,佢喺曾經接受傳媒訪問時,被問到係唔係唔欣賞比較現實嘅港女,佢就話一般香港女仔好期待搵金龜婿,佢唔係嗰種人。不過佢就話港女絕對唔會欣賞佢,同唔會揀佢。另外,佢亦奉行不婚主義,原因除咗單親家庭背景之外,佢曾經為14對新人做婚禮司儀,而當中有一半離婚,令佢對婚姻失去信心。

《金宵大廈2》
《金宵大廈2》
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
黃子雄
黃子雄
黃子雄
黃子雄
夏竹欣 & 黃子雄
夏竹欣 & 黃子雄
黃子雄
黃子雄
黃子雄
黃子雄
黃子雄
黃子雄
黃子雄
黃子雄

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!