鍾嘉欣機場被野生捕獲 自稱鄰居現身被網友追問性格再惹「雙面人」疑雲

鍾嘉欣（Linda）2015年與脊醫Jeremy Leung結婚，先後誕下兩女一子。雖然鍾嘉欣減產專心照顧家庭，同時移居加拿大生活，但人氣依舊，2021年罕有再出演TVB劇集《星空下的仁醫》女主角都有唔少粉絲捧場，又被藝人朱斐斐大爆鍾嘉欣係TVB片酬最高嘅藝人。鍾嘉欣近日搭飛機時就被網民野生捕獲，唔少網民都好好奇向來形象溫柔嘅鍾嘉欣到底會否人前人後兩個樣。

有網民於小紅書分享於機場和飛機上遇到鍾嘉欣嘅影片；從影片所見，鍾嘉欣當日素顏及穿上休閒裝束襯緊身褲，造型親民。網民以「和鍾嘉欣同一個航班是甚麼體驗」為題分享過程：「登機後，我在鋪床，她從我身邊走過。我的心裡就想她長得好像鍾嘉欣。等行李的時候她正在打電話，那把聲音一出來就是嘉欣BB無疑了。她的行李箱太重，拿的時候不小心蹭到我的推車還跟我說sorry。太低調了。」吸引唔少人留言討論，當中更有位自稱曾在香港與鍾嘉欣係鄰居嘅網民，佢就被其他網民問及鍾嘉欣嘅脾氣：「聽說她脾氣差，不理人，是嗎？」唔少網民都加把嘴埋去，直指鍾嘉欣真人高傲又無禮貌，網民舉出例子，表示之前於頒獎典禮上有好多粉絲喊鍾嘉欣，佢連望都沒望一眼，又時時拒絕合照，強調：「演技我就不評論了，就只是說出我所經歷過的事情」 。有網民就分享，曾與媽媽見到鍾嘉欣，對方表現得相當高傲：「整條後巷只有我們三人。快走到一起時她把臉轉一邊去，我又不追星對她不感冒她有必要這樣嗎？是她想多了。」唔少網民更用上「平時電視上nice是裝的！」、「人品超差」形容鍾嘉欣。不過，亦有網民力撐鍾嘉欣：「不拍照而已，很正常，香港明星就是普通人」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！