鍾柔美夢想成真到韓國知名舞室騷舞功 網民：Yumi可以去韓國做練習生

17歲嘅鍾柔美（Yumi）由《聲夢傳奇》出身後備受無綫力捧，除咗推出首支個人單曲《Breakin' My Heart》之外，Yumi與炎明熹（Gigi）、姚焯菲（Chantel）及詹天文（Windy）組成女團After Class出道。作為應屆會考生嘅Yumi，考完試就去咗韓國旅行，近日佢喺社交網站表示自己夢想成真，去咗韓國知名舞室學舞，仲興奮上載跳舞片段及與知名編舞師合照。

鍾柔美喺社交網站表示自己去咗韓國知名舞室「1 million」學舞，除咗上載個人靚相之外，仲上載跳舞片段及與知名編舞師合照。喺跳舞片段中，Yumi成功展示個人實力，跳得有板有眼。難怪唔少網民都紛紛留言大讚，例如「好耐冇睇Yumi跳舞，期望Yumi去完韓國跳一轉，返到黎跳技（舞技）更上一層，真係叫人期待新歌」、「Yumi 太 outstanding, 好似喺度教其他人跳舞咁樣！」、「Yumi可以去韓國做練習生」、「好明顯妳跳得好過晒後面嗰d!加油!」及「都係勁舞風格啱yumi」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！