開業45年從未加價 日本最便宜烏冬小店正式結業
物價年年加,衣食住行理應一年比一年貴,不過日本一間開業45年嘅讚岐烏冬店就從來未加過價,一碗細麵只收100日圓(約8蚊港幣)!
日本香川縣一向盛產讚岐烏冬,當中又以高松市最多名店,呢間位於福岡町嘅小店自1976開業至今,老闆今年已經82歲同83歲嘅老闆娘每朝4點開始製麵同高湯,每碗細烏冬只售100日圓從未加價,就算大碗都只係150日圓。原本老闆未造麵前係經營小酒館,後來接手呢間烏冬店前舖後居,當年客人多數係來自附近嘅工廠工人,不過隨著年代轉變工廠都相繼倒閉,而老闆為咗吸引附近食客因此都無加過價。
不過隨著二人年紀變大,老闆已經決定正式退休,唔少網民都表示可惜,話全日本都無一間烏冬店可以賣得咁平!
___________________
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
___________________
相關文章: