阿Mo 29歲生日So Ching 罕有post拖手照︰知你從未放棄 COLLAR前隊友冇人畀like

去年7月MIRROR演唱會發生大屏幕墮下事故，舞蹈員李啟言(Mo)受重傷卧床至今。阿Mo女友So Ching（蘇芷晴）一直照顧，並於今年5月宣布退出女團COLLAR。

10月12日係阿Mo 29歲生日，So Ching喺IG POST同阿Mo拖手照片，並以英文寫上字句「有天，你會回看那些以為過不了的日子。微笑吧，我知道你從未放棄」。

暫時所見，So Ching 之前所屬嘅COLLAR，7位前隊友都未有like呢個帖文；而MIRROR成員當中暫時只有陳卓賢Ian有俾like。

阿Mo出事至今1年有多，So Ching退出COLLAR後重新成為跳舞老師，亦不時post旅遊照，似乎搵到照顧阿Mo同生活嘅平衡。而Mo爸爸李盛林牧師就每星期發出代禱信，交代兒子康復進度。據最近一封代禱信，李牧師提到阿Mo嘅狀況大有改善，「回顧去年生日身體的狀況比對今年，身體已沒有任何插入的喉管，也不用24小時躺在床上，頸部和肩膊現在都可以有活動的能力，更可以說話及使用語音控制電子產品，與家人友好溝通」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！