陳冠希舊愛Cammi謝熙婷IG直認單身 玩「你問我答」晒愛情觀

陳冠希舊愛謝熙婷Cammi（前名謝芷蕙）近年都過著奢華生活，公屋出身嘅佢除咗搬入尖沙咀豪宅，更頻頻出入高級餐廳及酒店，仲不時周遊列國同大曬名牌手袋，高度炫富。Cammi曾經於2013年與內地富二代Jayden熱戀，又同過唔少富商和富二代拍拖；日前，Cammi就於IG發起「你問我答」，分享愛情觀。

Cammi回答網民問題時，大晒愛情金句，例如有網民問佢覺得愛一個女人係咪一定要使錢，Cammi就表示唔太認同：「後來發現男生所有東西都可以演，對你好也可以演之後就指只有『給你花錢是演不了的』，男生辛辛苦苦賺到錢再俾錢對方洗，就代表他是真心喜歡你。」亦有網民指曾經與Cammi IG玩「你問我答」，當時聽取咗Cammi意見而與男朋友分手，宜家遇到現任相當幸福快樂。Cammi就回應指位置好重要：「一隻牛皮包放市集賣是地攤貨，放在Hermès賣就是鉑金包了，人也是，在對的地方上，價值就高了。」Cammi又自爆目前28歲、單身且觀察中，覺得只要自己保養得宜及每日都過得好嘅話，年齡唔係問題：「我也覺得自己内在各方面過得越來越好了，如果到了30歲視野見識會更廣闊吧，還是個新開始呢！」

至於一向被指外貌變幻莫測、P圖過火似蛇精嘅Cammi又對自己P圖有意見，疑承認以前P得太勁：「以為自己很會P，睇返轉頭成隻鬼咁，有時也不知道自己是怎樣想的」有網民就大讚Cammi唔洗再P圖都好靚。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！