陳凱琳拍片被讚貼地真性情 網民：鄭嘉穎上輩子拯救了全宇宙才娶到你

陳凱琳（Grace）與鄭嘉穎自2018年結婚以來一直恩愛甜蜜，不時於社交平台分享家庭生活日常，上月底陳凱琳大曬為鄭嘉穎慶祝54歲生日照。日前，鄭嘉穎到內地參加綜藝節目《披荊斬荊3》，陳凱琳亦有跟隨並拍攝影片上載至內地社交平台。

陳凱琳拍攝「淘寶開箱」影片，入手嘅都係一啲平民日常用品，包括烘焙用品及買畀囝囝嘅小熊造型水樽、畫板等等，令一班網民相當驚喜，表示原來明星買嘢都會咁貼地，又直指鄭嘉穎好有福氣先會娶到陳凱琳：「沒看一遍我都覺得鄭嘉穎好福氣能娶到你，他真的應該比賺了一百億還幸運。」、「鄭嘉穎上輩子拯救了全宇宙才能娶到你。」、「人美家世好就算了，性格還那麼陽光，娛樂圈真少見。」、「明星買的東西也這麼接地氣嗎，這些玩具居然跟我買的一樣。」等等。

另一條影片則係深圳工作Vlog，自稱係辣妹嘅陳凱琳去咗食四川麻辣火鍋，期間仲唔小心彈到塊面，面上沾有辣椒，被大讚真性情無明星架子。其實，陳凱琳過往多次曾被讚生活貼地，雖然與鄭嘉穎居住於何文田千呎豪宅，但仍然會去平民餐廳撐枱腳食雲吞麵；而佢亦曾經拍片分享獨門煮辛辣麵食譜，所用嘅煲又殘又舊，充滿歲月痕跡，令網民將焦點落喺佢個煲到，並驚訝點解陳凱琳咁有錢但會用個咁殘嘅煲，大讚貼地到超乎想像。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！