陳凱琳絕密公開性感寫真照 鄭嘉穎冧讚：最美麗嘅媽媽！

前港姐冠軍陳凱琳（Grace）今年初再做人母，誕下第三胎仔仔Carlos，對今胎非常低調嘅佢，呢日趁住母親節，終於絕密公開佗B時拍下嘅靚靚大肚寫真相，見佢着上吊帶透紗裙，低胸勁騷事業線，仲落埋海玩濕身，畫面唯美。佢又留言分享作為母親嘅感受，老公鄭嘉穎即賣口乖冧讚：「最美麗嘅媽媽！」另外，Grace亦晒出童年時同媽媽嘅合照，兩母女十足餅印一樣，非常似樣。