陳卓賢於今日情人節推出以愛情故事貫穿的Chapter 1作品《Lost at First Sight》,雖然MV有許恩怡參與,成為故事中Ian的傾慕對象,但Ian指這次的主角其實是他至愛的結他。
入行前Ian多以結他創作歌曲,但成為歌手後反而少了, 所以今次《Lost at First Sight》,就以電結他創作出厚實Funky Style,Ian道:「自己本身係彈開結他,入行前好多創作都係用結他寫,近年作品反而少咗呢個元素,所以就有呢隻歌誕生。今年推出嘅歌曲,會攞返呢支寶劍擺喺自己身邊。」
其實Ian點只一支結他,為了讓大家可以見識每支結他的靚樣與靚聲,Ian打算每首歌都會讓不同的結他登場,他道:「今次《Lost at First Sight》就係屬於呢支結他,下一首歌就係屬於另一支結他,咁嘅安排幾好,之後出Live、開concert或者拍MV,呢支結他一出現,就代表《Lost at First Sight》呢首歌要出現。」除了有不同的結他登場,Ian今年的作品,都會以系列形式推出,他說:「用故事性貫穿,形容一段關係唔同嘅Stage,由初相識、發展到Ending會係點。好多人會睇究竟係Happy Ending定係Sad Ending,但呢要賣關子,因為未完全肯定故事嘅句號係屬於點樣一個Ending,大家要多加留意。」
現年43歲嘅龍婷唱功了得,2022年參加《中年好聲音》,雖然未能躋身三甲,但仍獲TVB簽約成為歌手。日前佢就傳出與大22年資深演唱會製作人兼有婦之夫丘亞葵疑撻著,被影到摸男方Pat Pat,又喺車廂內「Hello Kiss」。而事後,龍婷透過TVB Music Group回應事件,指與丘亞葵為多年好友,二人之間純屬友誼。一波未停一波又起!有網民喺「中年好聲音」群組入面爆相,龍婷被影到與成熟男子以「情侶裝」現身於商場。