陳奕迅廣州騷驚喜獲梁漢文捧場 偷偷坐Panel冇人知

【on.cc東網專訊】「吹神」陳奕迅（Eason）本月7號晚的《Fear and Dreams世界巡迴演唱會》，除是廣州站尾場，亦是友情之夜，開騷前為演唱會音樂總監Jerald搞驚喜慶生，相當有心思。Eason在Jerald忙綵排下，突然捧住插上蠟燭的蛋糕出現，令壽星公又驚又喜，兩人來個情深擁抱，場面感人。

而開騷前，曾跟Eason、楊千嬅稱為「華星三寶」的梁漢文（Edmond）突然現時後台捧場，兩人攬住問好，Eason對Edmond說：「多謝你嚟。」Edmond就豎起手指公說：「Good Show，Good Show。」

Edmond接受訪問時表示日前在上海拍廣告，完工後即趕往廣州捧場，他說：「好彩趕得切睇佢尾場演唱會，我哋唔係好耐冇見，成日都喺香港聚吓，之前都有捧佢香港紅館演唱會尾場，今次係我第二次睇佢個騷，諗諗吓原來都相隔咗成年，但佢個騷一樣咁正，我可以重新感受個騷。」

他又謂完騷後繼續敍舊，完騷後偕Eason和工作人員食消夜，他說：「吹水都吹到凌晨2時幾先走，不過佢哋都繼續喺度傾。（有冇搵你上台做嘉賓？）冇呀，因為喺內地上台事前要審批嘅，其實都冇咩人知我嚟咗，因我坐咗喺Panel度，知佢下一站係廈門，祝佢順利啦。」

【更多影劇新聞詳情請上東網新聞】