陳奕迅有女初長成!康堤18歲卜卜脆 100%撞樣阿媽徐濠縈

陳奕迅有女初長成!康堤18歲卜卜脆 100%撞樣阿媽徐濠縈

「歌神」陳奕迅(Eason)與老婆徐濠縈育有一女陳康堤,康堤自小已被指遺傳到媽媽嘅優良基因,手長腳長擁有Model身形,不經不覺原來康堤今日(4日)已踏入18歲,正式長大成人,徐濠縈罕有於社交網公開女兒近照,祝賀女兒生日快樂,雖然兩張新相都只係女兒嘅側身相,但亦能清楚見到康堤已經亭亭玉立,而且媽媽一樣咁百變,不論係高貴晚裝抑或街頭風都完美駕馭,其中一張康堤戴上髮帶嘅側面照,仲同媽媽完全撞樣,連圈中好友梁漢文都直呼分唔清究竟係康堤定係徐濠縈:「究竟第二張係邊個?分唔到」,兩母女簡直餅印一樣,加上徐濠縈再晒出康堤小時候嘅照片,更突出超大對比,認真女大十八變!

陳奕迅同徐濠縈育有一女。
陳奕迅同徐濠縈育有一女。
康堤18歲生日。
康堤18歲生日。
亭亭玉立。
亭亭玉立。
似足阿媽徐濠縈。
似足阿媽徐濠縈。
女大十八變。
女大十八變。

另外,陳奕迅《Fear and Dreams Eason in Concert 2022》將於本月(10月)6日公開發售,由於今次沒有預先訂購加上大會表明會放售高達5成飛作公售,令唔少歌迷都希望能夠成功撲飛,而近日紅館網上率先出現放售座位表,雖然前排仍有唔少位置係演唱會贊助商嘅預定票及內部認購,但最前排最靚位置則預留作公開發售,公眾有望買到最靚最近舞台座位置,盡顥Eason對歌迷嘅愛。與此同時,其公司社交網今日晒出一張Eason身在巴黎街頭嘅照片,並標明「當年今日」,回味昔日到巴黎籌備演唱會服裝嘅日子。

陳奕迅嘅當年今日。
陳奕迅嘅當年今日。