陳展鵬疑刻意遮肚 單文柔34歲生日惹懷孕疑雲

2016年落選港姐單文柔（Phoebe），喺2018年嫁年長13年「視帝」陳展鵬（煎Pang），翌年誕下一女「小豬比」陳諾瑤（Quinta），婚後慢慢淡出幕前專注照顧家庭及轉型做KOL，一家三口幸福美滿。近日係單文柔嘅34歲生日，佢喺IG上載照片與網民分享，其中一張相片老公陳展鵬疑刻意遮肚，結果引起再度懷孕疑雲。

近日單文柔迎來34歲生日，並喺IG上載照片與網民分享，並留言話：「又到可以許願的日子 又承載多一年的故事」。喺呢個PO佢上載咗4張相片，除咗兩張個人照之外，其中一張就係同老公嘅合照，陳展鵬將手放係枱上，疑似刻意遮住單文柔個肚；而另一張就係全家福，白色衫嘅單文柔身形明顯比之前脹，而腹部睇落仲有微微嘅隆起，唔少網民都估佢係唔係再次懷孕。

而陳展鵬喺出席TVB熱播劇集《逆天奇案2》宣傳活動時，接受傳媒訪問時就話：有咗咁大件事唔會唔話佢知，老婆單文柔一直保持準備狀態，而佢自己亦一直預備緊，所以問題喺佢度，到時有好消息嘅話會講畀大家知。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！