陳展鵬被囡囡嫌棄

藝人陳展鵬早前到內地拍攝劇集《香港人在北京》，並帶老婆單文柔及囡囡小豬比同行。不過，日前他分享與囡囡的生活片段中，卻搞笑被愛女無視。短片開始時單文柔跑走不理囡囡，囡囡即場爆喊大嗌要媽媽，陳展鵬抱着囡囡安撫：「唔緊要，爸爸救你，爸爸係你英雄！」但囡囡只要媽媽，令他大感無奈。

鏡頭一轉，單文柔與陳展鵬耍花槍，陳展鵬假裝受傷想囡囡錫番，結果要又呃又氹才成功，當他要求囡囡錫多啖時，小豬比卻Say no，場面搞笑。