陳庭欣 何浩文 寵物瑜伽硬錫狗狗

東方日報
·1 分鐘文章
陳庭欣笑何浩文人大狗細,而且對愛犬超級長氣。
陳庭欣笑何浩文人大狗細,而且對愛犬超級長氣。

陳庭欣與何浩文齊齊學寵物瑜伽,但兩人皆硬手硬腳被考起!喜歡對狗仔講道理的何浩文,「哦」到愛犬聽教聽話。

藝人陳庭欣(Toby)最近自資拍片做寵物界KOL,邀請好友何浩文(Dominic)與松鼠狗仔(Teddy)到高級酒店做寵物瑜伽。雖然他倆身形甚弗,卻是硬手硬腳,竟被瑜伽考起。Toby說:「導師教我做一個動作烏低身錫隻狗仔,雖然導師幫我,但係都做唔到,佢直情出術抱起隻狗仔嚟錫。不過,做寵物瑜伽都幾好,除咗可以令筋骨柔軟,仲可以訓練狗仔同主人嘅合作性,狗仔都乖啲。」

長氣訓話15分鐘

Toby與Dominic相識多年,更一同拍過遊戲與寵物節目,她笑說:「佢隻松鼠狗仔好得意、好可愛,但當時覺得咁大個男人,抱住隻咁細嘅狗仔,對比好大、好搞笑,我成日都笑佢。」又取笑Dominic超長氣教導愛犬:「佢外形同真人好唔似,佢好長氣,可以訓示隻狗成個鐘,同佢講道理,不過佢隻狗仔又真係好乖、好聽話,可能真係有效,哈哈!」

至於「家教甚嚴」的Dominic笑說:「Teddy對酒店房好似幾好奇,不停咁行嚟行去,有啲唔聽話,所以返屋企都同佢講咗15分鐘道理。」

Toby手腳並用舉高狗狗,表現OK啦!
Toby手腳並用舉高狗狗,表現OK啦!