陳恩德為李佳芯報復行動未完 再落6位數廣告得無綫冇份

陳恩德為李佳芯報復行動未完 再落6位數廣告得無綫冇份

視后李佳芯(Ali)去年與「蟲草大王」陳恩德傳出秘戀緋聞,事後Ali急急落閘否認,另有指陳恩德邀請邀請Ali出席活動時,遭無綫開出「不合理要求」拒絕要求,令佢認為不受尊重,抽起過千萬廣告,轉投ViuTV,更有傳此事惹怒無綫,令Ali無辜受累,演藝事業再次告急。

事隔數月,有網民發現陳恩德「報復」攻勢仲未完,有消息指佢最近再於余詠珊喺香港開電視嘅新節目落廣告,即本地三大免費電視台,只得無綫無份。而陳恩德則表示落廣告事宜係由同事安排,但自己一直好欣賞余詠珊嘅節目,今次投資咗大約6位數,強調未來同開電視有更多合作,有機會投資更多,但亦澄清落廣告並非「報復式行為」,未來唔排除同其他新媒體或再與無綫合作。