陳敏之生日願望祈求病重母親康復 藝員好友留言集氣送祝福

「索腿天后」陳敏之喺本月17日正式踏入45歲，今日凌晨時段佢突然喺社交網文發文，指陳媽媽病重，生命正在倒數，所以佢嘅生日願望係媽媽可以康復，希望大家能夠集氣，祈求早日康複。

陳敏之喺社交網站上載一張自己捧著生日蛋糕許願嘅照片，並寫上：「2024我並不快樂，看着病重的媽媽，生命時鐘在倒數，我從來沒想過，這一天來得那麼快。我的生日願望，只有一個，祈求天父，俾多一次機會媽咪好番，我好想佢繼續整飯盒，俾我帶返公司食，好想佢煲椰子雞湯俾我飲，好想佢鬧我成日飲凍嘢，好想佢打電話俾我，好想佢日鵝夜鵝，好多好想好想好想好想，我真的很痛苦。面對龐大嘅醫藥費，我都要默默承受，因為我應承過媽咪，一定要佢舒服唔好捱苦，我再辛苦都冇所謂，我真係好希望有奇蹟出現，希望大家幫我媽咪集氣，希望佢可以好番。健康無價，珍惜身邊人，多給他們擁抱，多點說，我愛你。」

呢個PO一出，除咗有唔少網民紛紛留言希望陳媽媽早日康復之外，一班藝員好友亦有留言集氣送祝福，例如江美儀「Best wishes to you sis」、林子善「給你正能量！AUNT早日康復」、嚴淑明「不要怕 不要難過 我們都在 天父都在」、車婉婉「Pray for auntie and your family dear」、王君馨「We pray for healing upon Aunties body in Jesus name! Lord may u comfort Auntie and heal her of all infirmities and sickness! In Jesus name we pray amen!!!」、胡定欣「我們在」、倪晨曦「Happy birthday Sharon! 希望你媽媽會好起來」、陳法拉「So sorry to hear that. Hope she feels better soon」、岑麗香「Praying for auntie to get well and healthy」江嘉敏「集氣集氣 Mama, 一切都會好的」、朱晨麗「一定會的，天父已經聽到你的禱告，希望你願望成真」、姚子羚「加油auntie 一定要好快好返」、呂慧儀「加油敏之，加油Auntie快快好起來」及方力申「Happy birthday, n wish auntie speedy recovery」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！