陳敏之講唔停 變帶貨「財女」

藝人陳敏之早前與陳豪做首場無綫跟平台合作的直播帶貨，銷售額破2,645萬港元，成績甚佳。無綫亦相當睇好敏之的「吸金力」，至今已安排她做了共5場帶貨直播，繼之前與單立文後，前日再跟黃智賢（Ben）合作，而陳展鵬亦會客串做特別嘉賓，與Ben一起直播。

現時貴為無綫「財女」的敏之受訪時說：「好多謝公司畀機會我喺呢方面發展，依家都熟習咗成個直播環境，比起之前純熟咗好多，自己好鍾意講嘢、又鍾意sell嘢，啲人買咗返去開心我都好開心，每次又有唔同拍檔，好似之前同豹哥（單立文）都玩到癲晒，我哋仲一齊唱歌，啲網民都覺得好開心。」

而陳展鵬指可以跟同事帶貨，就如做綜藝節目般，大家都會爆肚，而且同時間可以與數百萬人一齊互動，網民亦會即時畀反應，成件事很開心。