陳法拉社交網站報喜 分享一家四口手拖手合照湊成好字

2005年參加國際華裔小姐勇奪亞軍後加入無綫成為當家花旦之一嘅陳法拉，於2019年與法藉老公 Emmanuel Straschnov結婚兩年後誕下女兒「小米妮」。現年42歲嘅陳法拉，今日（18日）再喺社交平台發文公布喜訊，無預警下宣布再誕下兒子，為家庭添加一名新成員，一家四口好幸福！

今日，陳法拉突然喺社交平台發文，分享一張佢同老公、囡囡手疊手地拖住一隻小手，以及囡囡拎住鮮花迫不及待見佢同弟弟嘅相嘅相片並留言「We are now a family of FOUR! 👨‍👩‍👧‍👦 Big sister was so exited to meet her little brother. 💐（我哋而家係一家四口！ 👨‍👩‍👧‍👦家姐迫不及待要見佢嘅弟弟」。

另外，法拉亦都回覆指：「春天來的BB、男仔、6.5磅，母子平安、開心湊成一個好字。」更透露囝囝暱稱叫「米奇」。

參加2005國際華裔小姐入行嘅陳法拉加入無線後備受力捧，參與多套經典劇集，如《溏心風暴之家好月圓》飾甘永慶、《巾幗梟雄之義海豪情》飾劉晴及《衝上雲霄II》飾何年希Holiday。之後佢於2013年離開TVB，之後到紐約進修戲劇，更加進軍荷里活，參與Marvel電影《尚氣與十環幫傳奇》，引起唔少迴響。