陳瀅守護事業線被投訴唔肯除

東方日報
·2 分鐘文章

靠拋胸晒事業線「凸」圍而出的女星大有人在,但身為新一代女神的陳瀅卻我行我素,拒絕這套出位方程式,並大爆公關界黑暗面,指曾被公關要求她拉低件衫騷心口,女權至上的她有感不被尊重,當場拒絕!

日前陳瀅與主演新劇《愛美麗狂想曲》的演員陳豪、李佳芯、蕭正楠及「蝦頭」楊詩敏等接受無綫節目《Tiger's Talk》訪問,當談到入行以來最難忘的工作時,她大爆遭公關「欺凌」,被要求「犧牲色相」。向來是品牌寵兒的她表示,有次出席活動前曾問大會公關衣着要求,當時對方說穿運動裝便可,她當日便穿外套、短裙配波鞋。

怎料到場後,該公關甫見其裝扮即問她:「你件衫可唔可以拉低啲?」雖然她已表示「入面冇着衫」,但對方仍繼續堅持,陳瀅說:「我話入面冇着衫,佢就話拉到心口位置,我就話冇戴bra!我好抗拒、好唔鍾意,點解女演員做任何活動一定係要賣弄身材,或者用性感先覺得吸引?」

拒絕晒胸的她更透露有「手尾跟」,活動後公關致電其經理人投訴:「佢話:『你個女好唔掂,我叫佢除衫佢唔肯除。』我真係好嬲。」在旁的蝦頭聞言即搞笑地說:「我成日想露身材,但啲客都係話唔需要。」至於陳豪則表示最難忘的工作是要去「飯局」:「嗰次係去同品牌嘅人喺酒店套房食飯,好華麗,大家飲紅酒,連埋我有4個人,聽落好奇怪,但又好正經嘅事。」

飛返加國親自「報喜」

陳瀅昨日接受訪問時,問到在節目爆料一事,她說:「我不嬲都係女權感受比較重,覺得女仔要為自己發聲,大家要尊重女性,當年我影寫真都係圍繞呢個話題。」另外,她憑主演劇集《黃金有罪》角逐無綫視后及「最受歡迎電視女角色」共兩個獎項,她說非常驚喜,更可親身向外婆「報喜」,因今天她便啟程飛往加拿大探望對方:「所以頒獎禮當日我出席唔到,暫時未知歸期,我畀壓力經理人,叫佢快啲搵工作畀我。」