陳煒叛逆家人 顧住瘟仔

東方日報
·2 分鐘文章
臨近歲晚照樣趕拍劇,陳煒無暇選購新的內衣褲。
臨近歲晚照樣趕拍劇,陳煒無暇選購新的內衣褲。

陳煒在無綫新劇《黯夜守護者》做愁爆媽媽,被反叛兒子耍到氹氹轉,自爆小時候最反叛是掛住拍拖。農曆新年將至,忙於開工的她沒時間準備過年物資,最想入手一條紅底自旺!

陳煒與陳展鵬昨日在北角一間茶餐廳拍外景,劇情交代她的14歲兒子正值反叛期,母子爭吵,更出手摑仔,結果兒子離家出走,獲展鵬收留過夜。

陳煒周圍搵仔,愁容滿面,她受訪時笑說:「真係好愁!今次有好多情感戲,後尾有和解,成個轉變歷程幾感動,真係對愈親嘅人就愈有脾氣!」問到小時候做過最反叛的事?自認乖乖女的她,笑言最曳只是掛住拍拖,當家人說話「耳邊風」,問到是否拍拖就「失蹤」?她怕醜說:「唔記得啦,哈哈!」展鵬則表示會跟父母唱反調,無視勸告飲汽水及食糖,結果喪咳。

忙到冇時間買紅底

新劇拍攝橫跨農曆新年,陳煒未知會否去男友家拜年,自言目前最想抽時間買條紅底,又說:「新年會買新內衣褲,但今年真係冇乜時間準備,拍劇都拍到年三十晚,往年會下廚。」展鵬則冧爆表示已教囡囡「小豬比」講新年賀詞及做拜年手勢:「上年唔係咁識,呢幾日有教佢講『恭喜發財、身體健康』,但講唔正。不過今年疫情關係未必拜年,下年就補番2年嘅利是!」他又冧爆「甜蜜的煩厭」,指囡囡現時是「管家婆」,經常指揮他和老婆單文柔清潔家居,同時又爭住做小幫手。

陳敏之助攻催婚

另外,陳煒日前趁拍攝空檔為「1月星辰」展鵬及陳敏之驚嚇慶生,敏之在社交網上載照片答謝,同時向對方的醫生男友陳國強催婚:「誰能娶到煒哥,一定會幸福到暈。謝謝你的Surprise,好開心喔!」

陳煒母子爭辯,要展鵬做和事老。
陳煒母子爭辯,要展鵬做和事老。