雅虎香港油麻地 NFT上架 已拆卸油麻地停車場在元宇宙重生 插畫師：希望幫香港做啲嘢

【Yahoo 新聞報道】重建的巨輪不停轉動，城市的面貌亦隨之改變，包括即將面臨重建的油麻地。插畫家歐陽俊禧（PureHay）與雅虎香港合作推出油麻地NFT藝術作品，透過畫作、聲音及動畫，讓已拆卸的油麻地停車場在元宇宙重新，保留歷史痕跡，「希望幫香港做到啲嘢」。

記者：潘柏林

身兼香港插畫師協會會長的歐陽俊禧（PureHay）獲雅虎香港邀請，推出一系列重建地區的NFT藝術作品，當中包括油麻地的「未來的數碼龐克停車場」，為已拆卸的油麻地停車場在元宇宙（Metaverse）留下印記。這幅NFT藝術作品由三人團隊所創作，PureHay負責插畫部份，另外兩名成員則負責將插畫轉換成動態影片，及應用AR技術加入聲音及景深等特別效果。

「油麻地停車場就係車嘅集體回憶」

PureHay指，是次NFT作品以油麻地停車場為主軸，以圖中的車作為擬人第一身角度，結合科幻Cyberpunk（數碼龐克）畫風及未來科技元素，「如果車係有思想，會留戀一啲嘢嘅話，相信油麻地停車場就係啲車嘅集體回憶」。他指創作時使用停車場的經典攝影角度，構圖及外形上也有特別考慮，「通常啲人點影油麻地停車場？通常都係咁影」，以提升畫作辨認度及讀者與作品的連繫。停車場的建築特色包括窗戶、圍欄數量等亦必需「跟到足」，「如果有少少差池都會break咗個connection」。

除了油麻地停車場的建築之外，這幅作品亦有不少香港元素，包括在天空飛翔的紅色的士、巴士在油麻地停車場中間的虛擬隧道駛出、小巴、霓虹燈及唐樓等元素。PureHay指他的創作是現實環境加上對該地的幻想，「對佢嘅幻想都好多，覺得入面唔係淨係停車、會唔會有一層係洗車嘅、有一層係食嘢嘅！」藝術作品的特點，就是賦予大家無限幻想的空間。PureHay最喜歡那輛會飛的紅色的士，「佢有種冒險嘅感覺，好似坐住就可以飛入去油麻地停車場咁」。

創作元素包括「大家想保留嘅嘢」

除了油麻地NFT外，PureHay早前完成重建系列的觀塘裕民坊NFT藝術作品。他形容，繪畫與香港環境有關的作品「有辣有唔辣」，因部份建築已不復見，無法實地考察，只可參考歷史相片；遇上一些不太熟悉的地區，就要更花時間了解該區的地標。他創作時亦將作品分作兩部份，「已經無咗嘅嘢，同埋大家想佢保留嘅嘢」。

歐陽俊禧投身廣告及插畫創作近15年，他的筆名是PureHay、工作室也叫Pure Studio（純創作室）。他解釋，創作是一件很純粹的事，「畫畫點解要咁多考量？畫咪畫囉，最好嘅創作就係單純地畫靚佢」。曾有商界朋友問他，簡單線條插畫近年大行其道，問PureHay會否改變畫風，「你畫幅畫40幾50個鐘，人哋（簡單線條）兩個鐘搞掂，仲有成萬like」。朋友又質疑其複雜線條的畫風，「啲人話我蠢」。但他不打算因而改變風格，「呢個唔係我」。

為林家謙演唱會繪插畫

PureHay最近為林家謙演唱會其中一首曲目繪製背景插畫，在紅館大螢幕展現香港都市之美。近年他的作品漸增香港元素，因他喜愛「香港嘢」，對香港情有獨鍾，「創作關於香港嘅嘢，令我有種活力、安心嘅感覺，覺得好似幫香港做啲嘢咁，呢樣嘢我鍾意」。未來或許會有更多區份需要透過他的畫筆留下，亦指「如果繼續製作到落去，係我嘅榮幸，因為真係有目的咁幫香港做一啲嘢，留到一啲資料畀大家睇」。