「雙蔡」做攔路虎 Venus冇信心做視后

王敏奕憑台慶劇《法證先鋒Ⅴ》入圍今年《萬千星輝頒獎典禮》「最佳女主角」,與同劇的蔡思貝及蔡潔爭視后,由於思貝曾膺視后,自然被睇高一線。面對勁敵,Venus坦言沒信心攞獎:「冇諗,對我嚟講,如果想幸福,就將幸福放喺自己控制到嘅嘢上面。獎項係人哋畀嘅,如果人哋畀你,你先覺得幸福,就會好大壓力同埋唔開心,所以有獎當然係錦上添花。」

為無綫拍劇多年,由當年《女人俱樂部》到近期《法證先鋒V》,Venus認為每一位攞獎的同事都是實至名歸:「入咗TVB拍劇之後,真係好尊重每一個人,因為每個人都好辛苦、好努力,大家都一樣,所以任何一個人獲得獎項,都係值得嘉許。」