雷莊𠒇依舊我行我素 自信曬全裸照震撼網民

雷莊𠒇（Juliette）2017年奪得香港小姐冠軍入行，當時被受抨擊，不過雷莊𠒇懶理負評，依舊我行我素，而佢履行港姐責任一年後，隨即離巢返回加拿大發展。雖然雷莊𠒇全面淡出香港演藝圈，但仍不時於社交平台分享性感造型嘅福利圖，大曬逆天長腿及曲線身材。近日，雷莊𠒇於IG限時動態PO出一張全裸黑白照，震撼網民眼球。

相中嘅雷莊𠒇一絲不掛坐喺地上，僅以黑色畫筆效果及將雙腿曲合遮住敏感部位，縱然三點不露，性感程度爆表以及極誘人；雷莊𠒇更寫道：「tap in if you support nude art ( 如果你支持裸體藝術，請點擊)」，又指照片係喺2017年前拍攝。

雷莊𠒇於加拿大身兼模特兒和演員工作，曾為當地連鎖烤雞餐廳拍攝廣告、拍攝短片《& Cut》、Amazon Prime Video《Three Pines》及Netflix劇集《The Recruit》，即使戲份唔多但已成功向進軍荷里活目標邁進。除咗火辣身材被讚，雷莊𠒇今年2月PO出回港睇夜景嘅照片，更被網民大讚連招牌齙牙都無埋，比起港姐時期靚咗好多。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！