電影LOL︳傳迪士尼出天價3億美元邀再拍《魔盜王》 Johnny Depp回應︰假嘅!

自從Johnny Depp捲入前妻Amber Heard家暴指控後,事業直插谷底。但係近期隨住官司開審,雙方庭上嘅表現令Johnny Depp人氣出現V型反彈,到判決出爐、裁定Amber Heard誹謗成立之後,Depp爺直情成為英雄!咁佢下部戲自然成為全民焦點。

早前澳洲有媒體話取得一份迪士尼內部報告,聲稱有關方面打算出3億1百萬美元(折合約港幣23.4億),搵 Johnny Depp再拍《魔盜王》,仲話迪士尼希望Depp爺原諒喎。

3億呢個數,足以夠開一套大片,聽落都流流地,而Johnny Depp嘅代表好快就回應「純屬掐造」。但係「純屬掐造」嘅係片酬個價,定係返去拍《魔盜王》呢?又真係冇講明。時間去返上個月,當時《魔盜王》監製謝利畢咸馬,被問到Depp爺會唔會回歸,佢答得好玄︰「呢一刻唔係。未來仲未有決定」,而嗰陣場官司仲打緊。咦,即係未落閘?

算吧啦。之前Amber Heard嘅代表律師喺庭上問Johnny Depp「如果迪士尼出3億100萬請你返去拍《魔盜王》,你都唔會答應?」,而Johnny Depp係同意嘅。噢~

咁佢之後會做咩呢?夾Band。下年會同自己樂隊Hollywood Vampires開世界巡迴演唱會。而Amber Heard就繼續諗下點俾法庭判佢要賠俾前夫嗰1500萬美金喇。

更多電影文章

電影LOL.今期睇咩戲︳秘境探險/孩子轉運站/貓王/接駁靈聲/弊傢伙,JJ唔見咗/劇場版 角落小夥伴

電影LOL︳《青蜂俠》三度翻拍 外媒提議搵伍允龍做新版加藤

電影LOL︳股價今年跌7成 訂戶流失20萬 NETFLIX大裁員怒炒450人

電影LOL︳Ezra Miller屢犯官非 《閃電俠》傳易角 業界估一個理足以保住

電影LOL︳《熊抱青春記》男團分拆出漫畫 下一步係當真男團咁捧挑機BTS?

電影LOL︳《光年正傳》開畫票房失利 行內人估無望再現《反斗奇兵》系列佳績

電影LOL︳索爆邦女郎Ana演瑪莉蓮夢露傳記片 預告曝光 造型似到十足十!

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!