雅虎香港新聞 電影LOL︳《光年正傳》開畫票房失利 行內人估無望再現《反斗奇兵》系列佳績
全球多地開始選擇同新冠病毒「共存」，封咗2年嘅戲院，今年夏天終於可以迎接暑假大片浪潮。呢期個個禮拜都有大片上畫，剛過去嘅周末有被視為《反斗奇兵》外傳嘅《光年正傳》。話晒係PIXAR 2年來首套戲院上映嘅作品，而且《光》反映同口碑唔太差，「爛蕃茄」評分都有77％，但係北美開畫首周末票房收5100萬美元，低於迪士尼預期嘅7000萬，更跌眼鏡係竟然輸俾上畫第2周嘅《侏羅紀世界：統治霸權》而排第2，第3位係依然堅挺嘅《壯志凌雲︰獨行俠》，收4400萬。而喺韓國，《光年正傳》亦輸俾韓片《魔女二部曲》及《犯罪都市：極拳執法》排第三。
連同海外票房，《光年正傳》全球暫收8500萬美元，以2億成本計，再加埋宣傳、發行開支，似乎回到本已經要謝天謝地。要留意嘅係，《光》因為有同性咀嘴劇情被中東國家禁映，再打折扣。而中國內地亦因此仍未發出批文，但係套戲嘅製片話企硬，唔會為咗人民幣cut戲，而早前迪記CEO Bob Chapek都話中國市場對佢地嘅貢獻唔大，咁即係又少一筆。
有業界人士話，《反斗奇兵》系列電影一套比一套收得，但係《光年正傳》似乎會打破呢個傳統。分析認為，《光》主打家庭觀眾，但係佢地仲未完全重新投入去戲院睇戲呢個習慣，因為疫情期間大家都慣咗喺屋企用串流平台睇戲，計落可能仲平過方便一家大細出去戲院；而《光》同《反斗奇兵》系列電影唔算有十分大嘅關連，細路未必有興趣。
更多電影文章
電影LOL．今期睇咩戲︳光年正傳／失驚無神闖謎城／全謊位作戰／被消失的凶案／回到戀愛終結時
電影LOL︳索爆邦女郎Ana演瑪莉蓮夢露傳記片 預告曝光 造型似到十足十！
電影LOL︳《小丑》續集兩大驚喜 Lady Gaga做小丑女 劇情片變歌舞片？
電影LOL︳劈炮唔做《狂野時速10》導演 林詣彬接拍真人版《一拳超人》
電影LOL︳Netflix正式宣佈《魷魚遊戲》第2季 導演爆新關鍵角色
電影LOL︳等足16年 The Rock演DC霸氣反派Black Adam 預告片登場
電影LOL︳《小丑》續集在望！編劇post 2張相令影迷立即醒神
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
