電影LOL︳《你的名字》新海誠得力拍檔 日本動畫監製涉兒童色情罪行被捕

近年被稱為「新宮崎駿」嘅日本動畫創作人新海誠，佢嘅合作多年監製伊藤耕一郎，今日被當地傳媒報導指佢因為涉及兒童色情物品罪行被捕。

根據外媒報導，52歲嘅伊藤耕一郎被指大約3年前喺社交平台結識一名15歲長野縣少女後，要求當事人向佢傳裸照，並聲稱願意出價12500日元作回報。日本警方調查另一宗懷疑未成年人士不道德交易時，查出同伊藤有關嘅線索，星期三喺東京涉谷伊藤嘅寓所將佢拘捕。

據NHK嘅報導，伊藤耕一郎大致上承認指控，仲話有好幾次收過未成年少女嘅裸照，但唔清楚案件所指嘅事主係邊位。

伊藤耕一郎同新海誠合作20年，由「誠哥」成名作品《雲之彼端，約定的地方》開始出任監製，之後嘅《秒速5厘米》、《言葉之庭》、《你的名字》、《鈴芽之旅》等，都係由伊藤耕一郎製作。

更多電影文章

電影LOL 今期睇咩戲︳「鬼滅之刃」 絆之奇蹟，邁向柱訓練／怒潮／特權樂園／我們從末日開始

電影LOL︳今年賀歲片興偷同搶！台灣票房冠軍《還錢》偷完又還搞乜鬼？

電影LOL︳贏足一倍！《音樂傳奇卜馬利：人生愛與夢》北美開畫大勝《蜘蛛夫人》

電影LOL︳劉德華新片《紅毯先生》內地上映7日突宣布撤檔 香港如期月底上映

電影LOL︳香港賀歲檔票房公布《飯戲攻心2》收2129萬力壓MIRROR三子主演《盜月者》

電影LOL︳賈玲激減50公斤有回報 新片《熱辣滾燙》成內地賀歲檔票房冠軍

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！