電影LOL︳國產電影《你好，李煥英》獲Sony Pictures買入版權拍荷里活版

睇戲原因有好多種，想大笑一場大驚一場當然得，戲院黑暗環境之下，想好好流淚更加理所當然。

2021年內地上映嘅國產電影《你好，李煥英》，喺賀歲檔上映但居然係個「子欲養而親不在」嘅故事，講述女演員賈曉玲喺媽媽李煥英離世後，居然可以穿越時空回到過去，同年青時嘅李煥英成為密友，為媽媽未來嘅幸福而努力。《你好，李煥英》嘅李煥英係導演賈玲媽媽真名，本身係演員嘅賈玲，廿幾年前剛剛入讀中央戲劇學院向夢想進發，卻收到家人電話，叫佢趕返屋企見媽媽最後一面。當年手機未普及，賈玲回家路上要跪求同車乘客借手機了解情況……

呢種懷念至親嘅悲喜劇，對於唔少隻身離家出外打拼嘅內地觀眾嚟講好有共鳴，仲要當時受疫情影響，好多人有家歸不得，結果總收超過54億元人民幣，成為該年賀歲檔票房之冠，亦係史上最快衝破50億嘅電影。首次執導嘅賈玲，因此成為全球最高票房收入女導演，直到Barbie上畫先至被Greta Gerwig取代。

票房好，加上呢種親情催淚故事能夠觸動全人類，美國Sony Pictures就決定買下《你好，李煥英》版權，將會改編成英語版。暫時已知會由新晉電影人Laura Kosann負責改編英文版劇本，導演同演員人選仍未落實。外媒Variety嘅影評形容《你》係「頂級催淚，帶定紙巾」，相信Laura Kosann執筆時都要好大工夫，去保留原版「攻鼻」嘅遺憾氣味。

更多電影文章

電影LOL︳不滿迪士尼拍政治正確版《白雪公主》美國媒體開拍傳統版抗衡 有返王子公主愛情故事

電影LOL︳天后演天后 Angelina Jolie新作演女高音 遭遇坎坷過梅姐

電影LOL︳Taylor Swift Eras Tour演唱會電影打破Michael Jackson紀錄 周末全球票房破億美元

電影LOL︳又關Amber Heard事？ 水行俠Jason Momoa被爆飲醉開工兼想飛起拍檔

電影LOL︳姜濤主演台片《我的天堂城市》台灣票房失利僅收41萬 逆轉要靠香港姜糖？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！