電影LOL︳搵老友記扮超能戰隊 《邀阿公阿嬤拍B級殭屍片》紀錄過程好笑又催淚

日本嘅特攝片，總有一套係幾個人組成超能戰隊，佢地嘅制服一定係紅黃藍綠粉紅，紅色一定係隊長，粉紅色一定係女，而且即使隻怪獸幾層樓高，佢地都打得贏！

由於太深入民心，而家呢個拍片世代都有唔少創作人，想用「戰隊」概念做二次創作。台灣新一代創作人徐紫柔見到日本有個家庭嘅全家福，一家人著起超能戰隊戰衣影生活照，令佢十分喜愛。

紫柔本身開咗個facebook page，分享搵屋企人做主角嘅短片，其中一條搵婆婆做rapper嘅MV仲爆紅添。受歡迎可能只係副產品，因為紫柔嘅94歲婆婆有失智症十幾年，紫柔希望以拍片作為陪伴方式，而網路作品受歡迎令佢更有信心拍名為《記憶戰隊》嘅B級版超能戰隊打殭屍長片。

主角繼續係婆婆之外，仲搵咗一班老友記同過百位街坊演出，選角好認真，有試鏡架！而紫柔將呢4年同婆婆拍片嘅經歷，加埋《記憶戰隊》條片，以名為《邀阿公阿嬤拍B級殭屍片》嘅紀錄片喺10月全台灣上映。對比起其他講失智症嘅電影同紀錄片，《邀》以幽默而不失溫暖嘅角度，顯出另一種對失智症患者嘅關懷。

更多電影文章

電影LOL 今期睇咩戲︳釀魂／請問，還有哪裡需要加強／消失的她／復仇戇狗聯盟／從前的我們／GRIDMAN UNIVERSE

電影LOL︳床戲多是非更多 HBO宣布The Idol一季玩完

電影LOL︳迪士尼籌拍《魔髮奇緣》真人版 傳《奧本海默》小三Florence Pugh演長髮公主

電影LOL︳荷里活演員罷工影響浮現 《沙丘瀚戰2》《哥斯拉對金剛2》延遲至明年上映

電影LOL︳第3集未有聲氣 迪士尼出《魔雪奇緣》廣播劇俾fans止渴

電影LOL︳復仇成功！《原罪犯》面世20周年北美重映 票房超越首映

電影LOL︳新版《白雪公主》女主角踩原著過時 原版電影導演兒子發聲批侮辱

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！