電影LOL︳迪士尼籌拍《魔髮奇緣》真人版 傳《奧本海默》小三Florence Pugh演長髮公主

又有消息迪士尼會開拍旗下動畫真人版！今次係2010年上映嘅《魔髮奇緣》(Tangled）。

《魔》聽落好似唔算係迪士尼最賣座之作，角色又冇其他動畫咁受大人細路歡迎，但原來全球合計都收到6億美元。一眨眼13年，小觀眾變大人，而且又有一批新小觀眾，加上故事女主角Rapunzel 一把幾層樓咁長長長嘅秀髮，用真人版拍出嚟應該幾有趣，難怪傳出係迪士尼新一個真人化project之選。

近期有消息話，迪士尼睇中憑《小婦人》冒起嘅新一代女星Florence Pugh，希望由佢演Rapunzel。畢竟現時「二十代」女星當中，Florence Pugh演技係比較突出嘅一位，有望可以寧買當頭起，好似當年相中Margot Robbie演小丑女同Barbie嘅華納咁，就真係一注獨贏。而Florence Pugh喺《奧本海默》中飾演J. Robert Oppenheimer嘅床伴小三，戲份雖少但相信有睇嘅都會記得佢。

而有電影界爆料記者又披露，迪士尼連《魔髮奇緣》真人版導演都搵埋，就係近作有《貓王》嘅Baz Luhrmann。《魔髮奇緣》同唔少迪士尼電影一樣，都有好多歌舞場面，搵拍過《情陷紅磨坊》、《大亨小傳》等音樂劇本嘅Baz Luhrmann執導，聽落相當合理，加上導演仲未有已公布嘅新project題材，似乎機會好大。相信等到演員工會罷工完結後，會有更多《魔髮奇緣》真人版消息……不過要等幾耐呢？會唔會等到頭髮長過Rapunzel 先知？

更多電影文章

電影LOL 今期睇咩戲︳釀魂／請問，還有哪裡需要加強／消失的她／復仇戇狗聯盟／從前的我們／GRIDMAN UNIVERSE

電影LOL︳荷里活演員罷工影響浮現 《沙丘瀚戰2》《哥斯拉對金剛2》延遲至明年上映

電影LOL︳第3集未有聲氣 迪士尼出《魔雪奇緣》廣播劇俾fans止渴

電影LOL︳復仇成功！《原罪犯》面世20周年北美重映 票房超越首映

電影LOL︳新版《白雪公主》女主角踩原著過時 原版電影導演兒子發聲批侮辱

電影LOL︳早過《Barbie芭比》十幾年構思 大富翁遊戲電影版仲未拍得原因係……

電影LOL︳《奪寶奇兵》《職業特工隊》新片大收 點解都要蝕1億？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！