電影LOL︳復仇成功！《原罪犯》面世20周年北美重映 票房超越首映

南韓導演朴贊郁作品《原罪犯》今年面世20周年，美國發行商Neon上星期安排套戲以復修版喺北美再次上映，首周票房收到100萬。播放銀幕數目唔算多，全美得250個，票房數字比起Barbie梗係唔駛講，但居然上星期三嘅票房，係打入全國十大。而且重映收到嘅100萬，係比起2005年北美首映時總收入仲要多。

唔少外媒都有報導《原罪犯》重映高收呢件事，因為以往只有《鐵達尼號》、《阿凡達》先可以做到呢個成績。今次亦可以話係為《原罪犯》18年前被北美觀眾冷待爭返一口氣。

《原罪犯》係朴贊郁「復仇三部曲」嘅第二部，亦係最為人討論嘅一套。故事講一個男人無端端俾人捉咗去囚禁15年，「出獄」後決定復仇。成套戲有唔少暴力場面，片中嘅一shot過巷戰呢場可以話係近年經典場面。當年小編睇覺得好勁，亦都睇到好驚，但係個結尾的確有料到。

不過《原罪犯》風格上唔多啱當時北美主流觀眾口味，甚至有影評認為套戲過多無必要嘅暴力場面。但係十幾年來，影迷口耳相傳下認識到呢套好戲，而且近年睇得多重口嘢，大家都接受到。更重要係，亞洲作品近年喺北美市場開始受重視，《上流寄生族》之後，西方觀眾終於都衝破到嗰一行字幕嘅障礙。

in case你唔知，2013年Spike Lee翻拍過美版《原罪犯》，男主角由崔岷植變成Josh Brolin，女主角係「紅女巫」Elizabeth Olsen，結果票房都仆得幾直，收得6百萬美金左右。如果原版《原罪犯》收得好過美版，就變成戲外另一次嘅「復仇行動」嘞。

更多電影文章

電影LOL 今期睇咩戲︳藍甲蟲／全個世界都有電話／暗殺風暴／烏托邦浩劫／租嚇／麵包超人大電影

電影LOL︳新版《白雪公主》女主角踩原著過時 原版電影導演兒子發聲批侮辱

電影LOL︳早過《Barbie芭比》十幾年構思 大富翁遊戲電影版仲未拍得原因係……

電影LOL︳《奪寶奇兵》《職業特工隊》新片大收 點解都要蝕1億？

電影LOL︳分紅冇份袋 假撫養真歛財？《守護有心人》原故事黑人養子控告養父母一家

電影LOL︳荷里活殭屍片今年全仆？新片The Last Voyage of the Demeter開畫僅收成本15％

電影LOL︳《神奇女俠》爆羅生門 Gal Gadot實牙實齒話開第3集 消息人士：無傾過

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！