電影LOL︳曾國祥有份執導 Netflix今季鉅製《3體》講明唔刪文革情節

內地科幻作家劉慈欣嘅著作《三體》，由Netflix購入版權並開拍成影集（中文官方名稱為《3體》），憑《少年的你》獲得香港電影金像獎最佳導演嘅曾國祥，將會為頭2集擔任導演。《3體》已經確定於3月21日上架，而正式預告片已經推出。

今次《3體》備受注目，因為Netflix版影集係《權力遊戲》主腦David Benioff同Dan Weiss嘅最新力作，成本高達2億美元。佢地為《權》去東京宣傳，喺飛機上睇完原著並且感到興趣，因此決定同劉慈欣聯絡，商討合作細節。不過籌備期間都有唔少波折，擁有《三體》版權嘅網遊公司遊族嘅CEO林奇，2020年發現被人落毒殺死，而林奇正正係將《三體》賣俾Netflix拍國際版，並寄望《三》成為中國版Star War嘅推手之一。而Netflix版未推出，內地巨企騰訊搶先推出30集中文版網劇，有網民形容《三》故事富有中國元素，中國人先至會明白，外國人好難表達。

另一個難搞之處，《三》故事由文革時期展開，呢段敏感歷史要處理一啲都唔易，但又同故事息息相關 － 女科學家葉文潔嘅爸爸喺文革時被批鬥至死，葉後來進入國家秘密基地，發現一個研究外星生物嘅計劃。葉文潔後來發現能夠同外太空一個恆星系統上嘅三體人發放訊息嘅電波，令2個世界連接起來。三體世界由於受到外在因素影響而相當不利居民生存，而三體人得知地球情況後，決定移居地球，並以各種手段作準備，包括暗殺地球科學家，令地球文明停滯不前，並訂下喺450年後正式降臨地球嘅死線……

負責處理文革戲份嘅曾國祥接受專訪時表示，只有正視歷史先可以汲取教訓，佢亦都同演員講，描述文革當時情況係要尊重中國文化。而《3體》去年推出嘅先導預告中，亦有剪輯當中批鬥戲份。不過Netflix入唔到內地，因此可以避過審查。《3體》演員唔止得華裔，故事亦唔單止喺中國發生，加上文革元素，頭2集點樣拍得好嚟keep住觀眾，真係好考曾國祥嘅工夫。

更多電影文章

電影LOL 今期睇咩戲︳潛行／墮下的對證／一球翻身／前任4: 英年早婚／瞞天過海／青春豬頭少年不會夢到紅書包女孩

電影LOL︳老公前妻鬼魂返嚟！史提芬史匹堡30年來監修首套驚慄片 被睇好拍得住《魔鬼怪嬰》

電影LOL︳惡搞米奇無手尾！血腥暴力新片Mickey's Mouse Trap 點解唔怕迪士尼告？

電影LOL︳影后茱迪科士打鬧爆新世代2宗罪︰遲到！Email文法錯晒！

電影LOL︳第81屆金球獎 《奧本海默》連掃最佳電影等5大獎

電影LOL︳回到12年前 2023年香港戲院票房總收入僅14億元

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！