電影LOL︳歐美影圈「英女王」盤點 邊個最似本尊？

電影LOL

英國王室向來係唔少影視作品嘅題材，一來唔少洋人都仲係王室fans，外國傳媒直情有人專跟王室新聞，滿足讀者喜好。講得王宮故事，點少得英女王，所以歷來唔少歐美女演員都演過英女王。佢地外貌唔一定似，但一定要有咁上下演技。

《王冠》老中青三代女王－Claire Foy, Olivia Colman, Imelda Staunton

Claire Foy
Claire Foy
Olivia Colman
Olivia Colman
Imelda Staunton
Imelda Staunton

近年最大規模嘅王室題材作品，Netflix劇集The Crown由2016年開播，至今拍到第6季。故事由伊利沙白二世年青時代講起，兩代演員Claire Foy同 Olivia Colman分別演年青及中年版女王，今年推出嘅第5季由Imelda Staunton演老年女王。三個人本身互相唔似樣，亦同英女王相貌有出入，但係呢套唔係《娛樂插班生》嘛，劇本同演技令「似唔似樣」呢個問題變得微不足道。Claire Foy同 Olivia Colman已經憑The Crown贏得艾美獎視后，相信Imelda Staunton都會有刮目所看表現。

Helen Mirren

電影LOL︳歐美影圈「英女皇」盤點 邊個最似本尊？
電影LOL︳歐美影圈「英女皇」盤點 邊個最似本尊？

2006年嘅電影《英女皇》以1997年戴妃車禍喪生後，皇室點樣處理「前家嫂」嘅後事，所掀動嘅家庭同國民風波。演女皇嘅Helen Mirren可以話係多年來形神最似「事頭婆」嘅一位，佢亦因呢套戲成為奧斯卡影后。2013年英國舞台劇The Audience再次搵Helen Mirren演英女王，以佢同多位首相每周會面嘅構想內容，側寫英國多年來嘅變遷。

Sarah Gadon

電影LOL︳歐美影圈「英女皇」盤點 邊個最似本尊？
電影LOL︳歐美影圈「英女皇」盤點 邊個最似本尊？

2015年嘅電影《皇家公主出走記》(A Royal Night Out)同樣係純屬虛構嘅故事，仲未係女王嘅伊利沙伯，喺1945年二戰結束當晚同妹妹瑪嘉烈公主外出「視察民情」，結果兩姊妹賣甩侍從狂歡慶祝，各自偶遇軍人男生，門禁時限前仲未返王宮。演英女王嘅Sarah Gadon更加唔似女王後生時代，甚至演瑪嘉烈公主嘅Bel Powley比佢更搶鏡、但係呢套係輕浪漫愛情片，女主角有公主氣質搭救。

Freya Wilson

電影LOL︳歐美影圈「英女皇」盤點 邊個最似本尊？
電影LOL︳歐美影圈「英女皇」盤點 邊個最似本尊？

連童年英女王都有！2010年作品《王上無話兒》(The King’s Speech)講述有口吃嘅佐治六世，點樣克服困難，喺二戰時向國民發表振奮人心嘅全國講話。片中Freya Wilson飾演童年時代嘅伊利沙伯，亦即係佐治六世個女。

更多電影文章

電影LOL︳今期睇咩戲 飯戲攻心／打死不離喇星夢／秘密任務2：International／老縫正傳

電影LOL︳受性侵困擾變肥佬 班頓費沙回勇之作《鯨》首映全場起立6分鐘致敬

電影LOL︳南北韓軍人「非官方協商」？新片6/45好笑程度拍住《炸雞特攻隊》

電影LOL︳網友炒GAMESTOP打大鱷拍成電影 下個月開鏡 最強卡士係個導演！

電影LOL︳《爸爸可否不要老》導演再拍安東尼鶴健士 新片The Son再刻劃家庭事

電影LOL︳哈利波特繼續崩壞 Daniel Radcliffe爆炸頭二撇雞造型演一代惡搞歌王

電影LOL︳《魷魚遊戲》後升呢做導演 李政宰新片HUNT韓國票房連贏3周

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！