電影LOL︳港產女同志電影《從今以後》奪柏林影展泰迪熊獎 一個原因令李琳琳出山演出

柏林影展喺周末結束，大會競賽單元部份當中，由楊曜愷自編自導嘅港產片《從今以後》，獲得影展專為多元性向題才嘅泰迪熊獎類別嘅最佳劇情片對上一次有港片獲得呢個獎項已經係1998年，由關錦鵬執導嘅《愈快樂愈墮落》得獎。《從今以後》名時喺柏林影展「平行單元」觀眾票選獎（劇情片）中得到第3名。

《從今以後》編導楊曜愷嘅前作《叔．叔》刻劃老年男同志嘅故事，今次《從》以一對共同生活40年嘅女同志戀人為主角，講述區嘉雯飾演嘅Angie同伴侶 Pat（李琳琳飾）相伴多年，二人住喺Pat買入嘅單位，同Pat嘅哥哥一家關係要好。一天，Pat突然離世，由於Pat 生前未有訂立遺囑，財產由哥哥繼承，並決定處置單位前，Angie仍可住喺Pat嘅單位。痛失摯愛嘅Angie ，要喺傷痛中處理同Pat親人嘅利益衝突。香港現時仍未有就同性伴侶權益訂立明確條文，《從》嘅故事反映唔少本地同志日漸年邁後要遭遇嘅處境。

憑《叔．叔》獲得香港電影金像獎影帝及最佳女配角嘅太保及區嘉雯，今次再同楊曜愷合作。而更矚目嘅係搵到息影多年嘅女星李琳琳演Pat一角。楊曜愷透露係經李琳琳丈夫姜大衛去搵李；而琳琳姐受訪時表示，多年來都有人搵佢復出，但都係做人地媽媽或者婆婆嫲嫲，今次Pat呢個角色係有自己想法嘅真實人物，於是答應出山。而同片仲有廖子妤及梁仲恆參演。

楊曜愷獲獎後表示「從 2020 年開始展開《從今以後》劇本創作之旅。輾轉四年後，終於能在柏林影展進行世界首映。我們十分榮幸觀眾及評論人的反應好評如潮，贏得泰迪熊獎更是錦上添花！《從今以後》即將在香港上映，希望香港觀眾亦會同樣擁愛這套電影。我們迫不及待將《從今以後》帶回香港！昨晚是一趟夢想成真之旅，希望不在場的嘉雯與其他工作人員能與我們遠距離分享這份喜悅。」

更多電影文章

電影LOL 今期睇咩戲︳「鬼滅之刃」 絆之奇蹟，邁向柱訓練／怒潮／特權樂園／我們從末日開始

電影LOL︳今年賀歲片興偷同搶！台灣票房冠軍《還錢》偷完又還搞乜鬼？

電影LOL︳贏足一倍！《音樂傳奇卜馬利：人生愛與夢》北美開畫大勝《蜘蛛夫人》

電影LOL︳劉德華新片《紅毯先生》內地上映7日突宣布撤檔 香港如期月底上映

電影LOL︳香港賀歲檔票房公布《飯戲攻心2》收2129萬力壓MIRROR三子主演《盜月者》

電影LOL︳賈玲激減50公斤有回報 新片《熱辣滾燙》成內地賀歲檔票房冠軍

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！